Feık: Kurer bolyp qosymsha jūmys ísteıtín analardy áleumettík tólemderden aıyru.
QR Eńbek jáne halyqty áleumettík qorǵau mınıstrlígíníń teríske shyǵaruy:
Jūmys ístemeıtín ata-analarǵa bala bír jarym jasqa tolǵanǵa deıín respublıkalyq byudjetten beríletín memlekettík járdemaqylar olardyń keıínnen jūmysqa ornalasuyna qaramastan tolyq tólenedí. Al jūmys ísteıtín ata-analarǵa Memlekettík áleumettík saqtandyru qorynan taǵaıyndalǵan áleumettík tólemder olar jūmysqa qaıta shyqqan kezde avtomatty túrde toqtatylmaıdy. Būl tólemder tek alushynyń óz erkímen bergen ótíníshí negízínde ǵana toqtatyluy múmkín.
Feık: Qazaqstan Qaruly Kúshteríndegí áskerı oqu-jattyǵularynda 1940 jyldardaǵy qaru-jaraq qoldanyluda.
QR Qorǵanys mınıstrlígíníń teríske shyǵaruy:
Qazaqstan armıyasynda 1940-jyldardaǵy qaru-jaraq qoldanylmaıdy. Oqu-jattyǵu jıyndarynda qazírgí uaqytta armıya qatarynda tūrǵan zamanauı qaru túrlerí, sondaı-aq qaruly kúshterdí jańǵyrtu ayasynda jańadan kelíp túsíp jatqan áskerı tehnıkanyń ozyq úlgílerí paıdalanylady.
Feık: Qazaqstanda azamattardy seksualdyq baǵdary nemese dínı nanym-senímí boıynsha merzímdí áskerı qyzmetten bosatu.
QR Qorǵanys mınıstrlígíníń teríske shyǵaruy:
Otandyq zańnamada azamattardy seksualdyq baǵdaryna nemese dínı ūstanymyna baılanysty merzímdí áskerı qyzmettí óteuden bosatu qarastyrylmaǵan.
Feık: 2026 jyldyń 1 shíldesínen bastap jeke tūrǵyn úılerdíń mańyna avtokólík qoyuǵa tyıym salynady.
QR Ónerkásíp jáne qūrylys mınıstrlígí men Jalǵan aqparatqa qarsy ís-qımyl ortalyǵynyń túsíndírmesí:
Būl tyıym salu tek jalpyǵa ortaq paıdalanylatyn aumaqtarda múlíktí, sonyń íshínde qoldanystan shyǵarylǵan, aqauly jáne bólshektengen avtokólíkterdí zańsyz jınau men ūzaq uaqyt saqtauǵa ǵana qatysty. Kólík qūraldaryn tíkeleı maqsatynda paıdalanuǵa, sondaı-aq olardy arnaıy qarastyrylǵan tūraqtar men avtotūraq oryndaryna qoyuǵa eshqandaı shekteu qoıylmaıdy.
Atalǵan norma Qalalar men eldí mekenderdíń aumaqtaryn abattandyrudyń úlgílík qaǵıdalarynda bekítílgen jáne qoǵamdyq keńístíkterdíń sanıtarlyq árí estetıkalyq jaı-kúıín saqtauǵa baǵyttalǵan. Būl erejeler jol qozǵalysyn, avtotūraqtardy ūıymdastyrudy jáne kólík qūraldaryn paıdalanu máselelerín rettemeıdí - būl máseleler ózge normatıvtík-qūqyqtyq aktílerdíń qūzyretíne jatady.
⚠️ Ortalyqtyń ūsynysy:
➡️ Astanada sheteldík joǵary oqu ornyna túsuge kómektesuge uáde bergen alayaqtyq deregí boıynsha qylmystyq ís tergelude. Polıtsıya departamentíníń málímetínshe, 32 jastaǵy kúdíktí ózín bílím beru ortalyǵynyń ókílí retínde tanystyryp, sheteldík unıversıtettermen baılanysy bar ekenín aıtyp, azamattardy aldaǵan.
➡️ Sonymen qatar, elordada turıstík joldamalardy satu kezínde alayaqtyq jasady degen kúdíkpen taǵy bír azamat ūstaldy. Ol ózín turıstík agenttík qyzmetkerí retínde tanystyryp, tūrǵyndarǵa sheteldík saparlardy tıímdí baǵamen ūıymdastyrudy ūsynǵan.
‼️ Alayaqtar kóbínese oquǵa túsu, jūmysqa ornalasu, vıza rásímdeu, sayahat ūıymdastyru jáne qūjattar ázírleu sıyaqty sūranysqa ıe qyzmetterdí alǵa tartyp, «erekshe jaǵdaılar jasaudy», «jeke baılanystardy» nemese «júz paıyzdyq nátıjení» uáde etedí.
Qarjy audarmas būryn ūıymnyń nemese deldaldyń málímetterín, onyń resmı tírkeuín, qajettí lıtsenzıyalarynyń bar-joǵyn derbes tekseríp, aqparatty mekemeníń resmı saıty nemese baılanys nómírlerí arqyly naqtylańyz. Kepíldendírílgen nátıje, kúmándí jeńíldíkter, shūǵyl aqsha audaru turaly talaptar nemese beıresmı kelísímderge sílteme jasau - alayaqtyqtyń negízgí belgílerí bolyp tabylady.
Oqu oryndaryna túsu, turıstík qyzmetter men vıza alu protseduralary tek zańmen belgílengen tártíppen júzege asyrylady jáne eshqandaı beıresmı deldaldar arqyly «máselení sheshudí» kózdemeıdí.
Kúmán tuyndaǵan jaǵdaıda, aqparatty resmı derekkózderden qosymsha tekseru nemese túsíndírme alu úshín qūzyrettí memlekettík organdarǵa júgínu ūsynylady.
📝 Qosymsha málímet:
➡️ 2026 jylǵy 12 mausymnan bastap QR Joǵarǵy Sotynyń «Ar-namysty, qadír-qasıettí jáne ískerlík bedeldí qorǵau turaly» jańa normatıvtík qaulysy kúshíne endí.
Qūjatta BAQ jarıyalanymdarǵa, ınternettegí jazbalar men píkírlerge qatysty daulardy qarau tártíbí egjeı-tegjeılí túsíndírílgen. Atap aıtqanda, mūndaı íster boıynsha jarıyalanym avtorlary, akkaunttar men abonenttík nómírlerdíń ıelerí jauapker retínde tanyluy múmkín. Al zańǵa qaıshy keletín píkírler úshín onyń tíkeleı jazǵan avtory derbes jauapty bolady.
2026 jylǵy 11-20 mausym aralyǵyndaǵy resmı teríske shyǵarular jıyntyǵy
