Úndístannyń Nyu-Delı qalasynda semserlesuden Azıya chempıonaty ótíp jatyr, – dep habarlaıdy aqshamnews.kz tílshísí.
Atalǵan jarysta Qazaqstannyń erler qūramasy komandalyq saıysta qola medal jeńíp aldy.
Ūlttyq qūramanyń sáttí óner kórsetuíne almatylyq sportshylar Janat Nábıev pen Nūrmūhammed Jaılybaı zor úles qosty. Olar Qazaqstan qūramasy sapynda Artem Sarkısyan jáne Nazarbaı Sattarhanmen bírge synǵa tústí.
Jarys kezínde qazaqstandyqtar Iran qūramasyn 45:33, Ózbekstan qūramasyn 45:43 esebímen jeńíp, qūrlyq bírínshílígíníń jartylaı fınalyna shyqty. Fınal joldamasy úshín ótken kezdesude olar turnır favorıtteríníń bírí Ońtústík Koreya qūramasyna 34:45 esebímen jol berdí.
Úshínshí oryn úshín ótken tartysty básekede qazaqstandyq sportshylar joǵary sheberlík pen tabandylyq tanytyp, Qytaı qūramasyn 45:44 esebímen ūtty. Osylaısha olar Azıya chempıonatynyń qola júldesín ıelendí.
Semserlesuden Azıya chempıonaty 24 mausymda ayaqtalady.