Abaı atyndaǵy Qazaq ūlttyq opera jáne balet teatry 92-shí teatr mausymynyń ayaqtaluyna arnalǵan saltanatty ís-sharalarǵa shaqyrady, – dep habarlaıdy aqshamnews.kz tílshísí.
92-shí teatr mausymynyń ayaqtaluy
Mausymnyń qorytyndy baǵdarlamasy auqymdy kontsertterdí, kameralyq keshterdí jáne jańa premeralardy bíríktíríp, muzykalyq-teatr óneríníń san qyrly bolmysyn tanytady.
25 mausym | 20:00
Ashyq aspan astyndaǵy auqymdy Open Air «Opera túní» kontsertí
Būl keshte teatrdyń aldyndaǵy alań sahnaǵa aınalady. Jūldyzdy aspan astynda, sımfonıyalyq orkestrdíń, jetekshí solıster men hordyń súıemeldeuímen auqymdy muzykalyq panorama órbıdí. Kórermender nazaryna Karl Orftyń monumentaldy «O, Fortuna» tuyndysy men Chaıkovskııdíń «Pıkovaya dama» operasyndaǵy dramalyq arıyalardan bastap, Rossınıdíń Fıgaro kavatınasy men Maskanıdíń «Selskaya chest» operasyndaǵy zastolnaya áníne deıíngí baı repertuar ūsynylady. Baǵdarlamada ūlttyq ónerímízdíń marjandary — «Bírjan men Sara» operasyndaǵy aıtys sahnasy men Abaıdyń júrekjardy «Aıttym sálem, Qalamqas» ání oryn alady. Keshtíń túıíní retínde kontsertke qatysushylardyń barlyǵy bírge oryndaıtyn, júrekterdí bíríktíretín «Gúl Almatym» ání shyrqalady.
26 mausym | 21:00 jáne 22:00
Teatrdyń tarıhı júregíndegí muzykalyq kesh (ARTE galereyasy)
Ekínshí kesh qonaqtarǵa óner álemíne būdan da tereńírek árí názík boılauǵa múmkíndík beredí. Teatr ózíníń esígín aıqara ashyp, sáulet óneríníń ínju-marjany árí Almatynyń mádenı ómíríníń júregí bolyp tabylatyn ańyzǵa aınalǵan tarıhı ǵımaratqa shaqyrady. Túnníń basty oqıǵasy —ARTE galereyasyndaǵy auqymdy muzykalyq baǵdarlama bolmaq. Būl keshte ártíster baı vokaldyq baǵdarlama ūsynady. Túngí teatrdyń kamerlík árí eksklyuzıvtí atmosferasynda álemdík jáne ūlttyq klassıkanyń jauharlary múldem jańasha únmen qalyqtap, ūmytylmas áserler sımfonıyasyna aınaldyrady.
«Opera túní» — būl teatrdyń ūlylyǵy men estetıkasyn erekshe túngí formatta sezínudíń, opera truppasynyń joǵary sheberlígínen lázzat aludyń jáne tarıhı oqıǵanyń bír bólshegíne aınaludyń bíregeı múmkíndígí.
27 mausym | 18:00
«Ūly Jíbek joly» baletíníń premerasy
Shyǵys pen Batysty baılanystyrǵan Ūly Jíbek jolynan shabyt alǵan auqymdy balet qoıylymy. Būl — dáuírler arasyndaǵy sayahat, keruender men qalalar, tarıhı jol boıynda toǵysqan taǵdyrlar turaly horeografıyalyq ańyz. Spektaklde klassıkalyq balet mektebí, shyǵystyq plastıka jáne zamanauı horeografıya úılesím tabady. «Ūly Jíbek joly» — qozǵalys, tańdau jáne adamnyń máńgílík kókjıekke ūmtylysy turaly tuyndy. Qoyushy ıdeya avtory, lıbretto jáne horeografıya — Qazaqstannyń halyq ártísí, Abaı atyndaǵy QazŪTOB balet truppasynyń kórkemdík jetekshísí Gúljan Tútkíbaeva. Qoıylymda ūlttyq klassıka, balet klassıkasy, neoklassıka jáne zamanauı horeografıya bírtūtas kórkem tílge bíríktíríledí. Ekí aktíden tūratyn būl balet — tolyqtaı avtorlyq jańa tuyndy árí shyǵarmashylyq tūrǵydaǵy batyl eksperıment.
28 mausym | 18:00
«Abaı» operasynyń premerasy
Ūly aqyn árí oıshyl Abaı Qūnanbaıūlyna arnalǵan ūlttyq opera.
Būl — aǵartushylyq joly, ruhanı kúres jáne halqyna bílím nūryn syılaǵan tūlǵanyń taǵdyry turaly tereń fılosofıyalyq muzykalyq drama. Shyǵarmanyń muzykalyq tílí ūlttyq áuender men klassıkalyq opera formasyn bíríktíríp, erekshe emotsıonaldyq keńístík qalyptastyrady.
Abaı atyndaǵy Qazaq ūlttyq opera jáne balet teatrynda Ahmet Jūbanov pen Latıf Hamıdıdíń «Abaı» operasynyń jańartylǵan sahnalyq nūsqasynyń premerasy ūsynylady. Jańa qoıylym — muzykalyq jáne ádebı mátíndí ózgertpesten jasalǵan sahnalyq qaıta óńdeu. Negízgí nazar spektakldíń tūtas dramaturgıyasyna jáne klassıkalyq tuyndyny jańa qyrynan ashatyn zamanauı vızualdy sheshímge baǵyttalǵan. Jańartylǵan nūsqa túpnūsqaǵa qūrmet saqtaı otyryp, kórermenge neǵūrlym aıqyn árí zamanauı teatr tílín ūsynady.
92-shí teatr mausymynyń ayaqtaluyna shaqyramyz!
Mausymnyń qorytyndy akkordtaryn bírge bólísíp, emotsıyaǵa, shabytqa jáne ónerge toly sátterge kuá bolyńyzdar.