Almatynyń Sport basqarmasy men Turkish Airlines áuekompanıyasy ózara túsínístík pen yntymaqtastyq turaly memorandumǵa qol qoıdy, – dep habarlaıdy aqshamnews.kz tílshísí.
Kelísím ayasynda halyqaralyq jarystar men oqu-jattyǵu jıyndaryna qatysatyn Almaty qalasynyń sportshylary men qūrama komandalary úshín áue tasymalyna arnaıy tarıfter engízíledí.
Bastama Almaty qalasy ákímíníń byudjettík shyǵystardy ońtaılandyru jáne sportshylardyń halyqaralyq jarystarǵa daıyndaluǵa jáne qatysuǵa jaıly jaǵdaı jasau jóníndegí tapsyrmalary ayasynda júzege asyryldy.
Byudjet únemdeu jáne sportshylarǵa jaıly jaǵdaı
Yntymaqtastyq ayasynda mynalar qarastyrylǵan:
* áue bıletteríne arnaıy jeńíldíkter;
* sporttyq jabdyqtarǵa qosymsha tegín bagaj;
* bıletterdí qaıtaru jáne aıyrbastaudyń ıkemdí sharttary;
* qyzmet kórsetu men ūshu qauípsízdígíníń joǵary standarttaryn saqtau.
Arnaıy tarıfter halyqaralyq jarysqa baratyn sportshylardyń jol shyǵynyn ońtaılandyruǵa, byudjet júktemesín azaıtuǵa jáne komandalar úshín qolaıly ūshu jaǵdaıyn qamtamasyz etuge múmkíndík beredí.
Auqymdy halyqaralyq baǵyttar kartasy
Turkish Airlines – álem boıynsha 159 baǵytty qamtıtyn keń marshruttyq jelísí bar álemdegí eń írí jáne tanymal áuekompanıyalardyń bírí. Ásírese, būl Álem chempıonattarynda, Álem kubogynyń kezeńderínde, Europada, Azıyada jáne basqa óńírlerde halyqaralyq turnırler men oqu-jattyǵu jıyndarynda tūraqty qatysatyn almatylyq sportshylar úshín óte mańyzdy.
Mūndaı bastamalar sportshylardy halyqaralyq jarystarǵa júıelí árí sapaly dayarlauǵa múmkíndík beríp, Almaty qalasynyń elímízdíń jetekshí sport ortalyqtarynyń bírí retíndegí bedelín odan árí nyǵaıtuǵa yqpal etedí.
