QR Prezıdentí janyndaǵy Áıelder jáne otbasy-demografıyalyq sayasat máselelerí jóníndegí Ūlttyq komıssıya múshesí Gúlmıra Qanaı 2026 jylǵy 4 nauryzda OKQ ótken brıfıngte qazaqstandyq áıelderdíń ǵylymǵa qatysu deńgeıín jarıyalady, – dep habarlaıdy aqshamnews.kz tílshísí.
Ol 2025 jyldan bastap STEM salasyna oralatyn áıelderdí qoldauǵa baǵyttalǵan "Ǵylymǵa qadam" jobasy íske asyrylyp jatqanyn atap óttí.
""Robotechnogirls" jáne "TechGirls" jobalary ayasynda 350 qyz tehnologıyalyq jáne STEM baǵyttarynda oqudan óttí. Búgínde áıelder bílím beru jáne ǵylym salasynda belsendí túrde qatysyp otyr", – dedí Qanaı.
Statıstıkalyq derekter boıynsha áıelderdíń úlesí:
Magıstranttar – 57,5%;
Doktoranttar – 61,7%;
IKT salasyndaǵy oqushylar – 20%;
Telekommunıkatsıya salasy – 46%;
Aqparattyq qauípsízdík salasy – 30%;
Ǵylymı-zertteu qyzmetkerlerí – 55,6%.
Sonymen qatar, startaptardyń 23%-y áıelderge tıesílí.
