Almaty qalasynda zamanauı qoǵamnyń eń ózektí máseleleríníń bírí – ınternettegí balalar qauípsízdígín kóteretín «Kók kıt» kórkem fılmí kórsetíldí.
Atalǵan tuyndy almatylyq mektep oqushylaryna ūsynylyp, jasóspírímder arasyndaǵy destruktıvtí kontenttíń zıyany turaly ashyq áńgíme órbídí.
Fılm qauíptí onlaın-oıyndardyń, áleumettík jelílerdegí psıhologıyalyq qysymnyń jáne bullıngtíń jasóspírímder ómíríne tıgízetín zardabyn tereń suretteıdí. Sonymen qatar tuyndyda otbasyndaǵy túsíníspeushílík, ata-ana men bala arasyndaǵy senímníń álsíreuí syndy mańyzdy máseleler qozǵalady.
Kórsetílímnen keıín oqushylarmen jáne ūstazdarmen píkírtalas ūıymdastyrylyp, ınternet keńístígíndegí qauíp-qaterlerdíń aldyn alu joldary talqylandy. Mamandar destruktıvtí kontenttíń bala psıhıkasyna auyr áser etetínín atap óttí. Mūndaı materıaldar jasóspírímderdíń emotsıonaldyq tūraqsyzdyǵyn kúsheıtíp, jalǵyzdyq sezímín tereńdetíp, keı jaǵdaıda qauíptí áreketterge ıtermeleuí múmkín ekení aıtyldy.
Sondaı-aq jıyn barysynda jalǵan terrorızm qaupí jaıly da eske salyndy. Qūqyq qorǵau organdarynyń ókílderí ınternet arqyly taralatyn jalǵan habarlamalar men qorqytu sıpatyndaǵy jazbalardyń zań aldynda jauapkershílíkke ákeletínín túsíndírdí. Mūndaı áreketter qoǵamdyq tūraqtylyqqa nūqsan keltíríp qana qoımaı, kínálí tūlǵalardyń qylmystyq jauapkershílíkke tartyluyna sebep bolatyny aıtyldy.
«Kók kıt» fılmí – memlekettík ınstıtuttardyń mádenıet pen óner arqyly qoǵammen tíldesuíníń naqty mysaly. Kıno tuyndysy qauíptíń aldyn aluǵa, eń basty qūndylyq – balalardyń ómírí men densaulyǵyn saqtauǵa baǵyttalǵan mańyzdy áleumettík joba retínde baǵalanuda.
Mamandar ata-analardy balalarymen ashyq sóılesuge, olardyń ınternettegí belsendílígín nazarda ūstauǵa jáne senímdí qarym-qatynas ornatuǵa shaqyrdy. Óıtkení qauípsízdík – tek tyıym salumen emes, túsíndíru jáne qoldau kórsetu arqyly qalyptasady.
Almatydaǵy būl kórsetílím jas ūrpaqtyń sanaly tańdau jasauyna jáne ınternet keńístígíndegí qauípterden saq boluyna baǵyttalǵan mańyzdy qadam boldy.
