Aqordada Qazaqstan Prezıdentíne segíz memlekettíń tótenshe jáne ókílettí elshíleríníń sením gramotalaryn tapsyru rásímí óttí, – dep habarlaıdy aqshamnews.kz tílshísí.
Sením gramotalaryn Norvegıya Koroldígíníń elshísí Helena Sand Andresen, Argentına Respublıkasynyń elshísí Enrıke Ignasıo Ferrer Vıeıra, Gana Respublıkasynyń elshísí Koma Stım Djehu Appyah, Malı Respublıkasynyń elshísí Seıdu Kamıssoko, Gambıya Respublıkasynyń elshísí Alkalı Fanka Konte, Bangladesh Halyq Respublıkasynyń elshísí Mūhammed Nazrul Islam, Shrı-Lanka Demokratıyalyq Sotsıalıstík Respublıkasynyń elshísí Shobını Gunasekera, Bosnıya jáne Gertsegovına elshísí Ivan Orlıch tapsyrdy.
Qasym-Jomart Toqaev dıplomattarǵa Qazaqstannyń áleumettík-ekonomıkalyq jáne sayası damu perspektıvasy jónínde áńgímeledí.
– Syrtqy syn-qaterlerge qaramastan Qazaqstan aımaqtaǵy tūraqty árí ekonomıkasy qarqyndy el sanalady. Degenmen bíz qol jetkízgen jetístíkterge toqmeıílsímeı, ekonomıkalyq reformalardy dáıektí túrde jalǵastyryp kelemíz. 15 nauryz kúní elímízde jańa Konstıtutsıya boıynsha jalpyhalyqtyq referendum ótedí. Memlekettí odan árí órkendetu jolyndaǵy būl mańyzdy qūjatty halqymyz qoldaıdy dep oılaımyz. Jańa Konstıtutsıya Qazaqstanda qolǵa alynǵan írgelí ózgerísterge berík negíz qalap, demokratıyalandyru men jan-jaqty jańǵyrtu ísíne qomaqty úles qosady, sol arqyly elímízdí damytuda tyń múmkíndíkterge jol ashyp, halyqtyń ál-auqatyn arttyrady degen úmíttemíz, – dedí Prezıdent.
Memleket basshysy Qazaqstannyń beıbít syrtqy sayasat júrgízetínín atap óttí. Prezıdenttíń aıtuynsha, álemdegí barlyq kıkíljíńder men qaqtyǵystar dıplomatıyalyq qūraldar arqyly tek beıbít jolmen sheshíluge tıís.
Qasym-Jomart Toqaev Qazaqstan Shyǵanaq elderíne árdaıym tílektes ekenín jáne shıelenístíń tezírek sheshíluíne úmít artatynyn jetkízdí.
Kezdesu sońynda Prezıdent shet memleketter elshíleríníń jauapty qyzmetíne tabys tíledí.
