Ulttyq qaýipsizdik komıteti bıyl qarasha aıynda Almaty, Aqtóbe, Qonaev jáne Shymkent qalalarynda terorızmdi, sonyń ishinde áleýmettik jelide nasıhattady degen kúdikpen destrýktıvti dinı aǵymdardyń 6 jaqtaýshysyn ustady, - dep habarlaıdy Aqshamnews.kz.
Tergeýdiń boljamy boıynsha, olar dinı negizde shabýyldar men kisi óltirýge shaqyrýlar taratqan, sonymen qatar zaıyrly tártipke qarsy shyqqan.
Tintý barysynda olardan atys jáne sýyq qarý, sondaı-aq kóptegen dinı ádebıetter tárkilendi.
Sot sanksıasymen atalǵan tulǵalar qamaýǵa alyndy.
QR Qylmystyq-prosestik kodeksiniń 201-babynyń 1-bóligine sáıkes ózge aqparat jarıa etýge jatpaıdy.
Sonymen qatar, 3 qarashada osyndaı qylmysy úshin terorızmge shaqyrý materıaldaryn taratqan Aqtóbe oblysynyń turǵyny 7 jylǵa bas bostandyǵynan aıyryldy.
Úkim zańdy kúshine endi.
Jyl basynan beri UQK organdarynyń materıaldary boıynsha terorıstik jáne ekstremıstik áreket úshin 83 adam ustalyp, 97 adam sottalǵan.