Almatydaǵy referendumǵa daıyndyq jūmysy ayaqtalyp qaldy. Qaladaǵy barlyq 654 uchaskede komıssıya múshelerí ūıymdastyru jūmysyn ayaqtap, endí ınfraqūrylymnyń daıyndyǵyn tekseruge kírísken, – dep habarlaıdy aqshamnews.kz tílshísí.
Bekítílgen audannyń tūrǵyndaryna aldyn ala olardyń uchaskesíníń mekenjaıy men nómírí kórsetílgen shaqyrtu jíberíldí. Būl qala tūrǵyndaryna dauys beretín jerdí ońaı tauyp, ís-sharaǵa kelíp qatysuǵa múmkíndík beredí.
Referendum kúní barlyq uchaske tańǵy saǵat 7:00-de ashylady. Alaıda komıssıya múshelerí men baqylaushylardyń jūmys kúní būdan áldeqaıda erte — tańǵy 5:45-te bastalady. Osy uaqytta olar dauys beru bastalǵansha byulletenderdí daıyndap, jáshíkterdí mórlep, jabdyqtardy tekseríp, barlyq qajettí rásímdí ótkízíp úlgeruí tıís.
Almaly audanyndaǵy №48 saılau uchaskesíníń málímetínshe, ashyluǵa bírneshe mınut qalǵanda-aq ádettegídeı kíreberíske alǵashqy saılaushylar jınala bastaıdy. Kóbíne būlar jūmysqa asyǵyp bara jatqan orta jastaǵy er adamdar. Sál keıínírek jastar men balasyn jetektegen otbasylar keledí.
Uchaskede dauys beruge arnalǵan bes kabına ornatylǵan, olardyń bíreuí múmkíndígí shekteulí azamattarǵa arnap jabdyqtalǵan. Sonymen qatar kózí dūrys kórmeıtín jáne nashar estıtín azamattarǵa da jaǵdaı jasaldy.
Saılau komıssıyasynyń barlyq múshelerí aldyn ala arnauly oqytudan ótken, túrlí jaǵdaıda ne ísteu kerektígín jaqsy bíledí. Mysaly, eger saılaushy jeke kuálígíníń túpnūsqasyn ūmytyp ketse, ol QR-kod arqyly elektrondy jeke kuálíktí paıdalana alady. Komıssıya múshesí qūjatty eGov portaly arqyly tekseredí.
Densaulyǵyna baılanysty uchaskege ózdígínen kele almaıtyn azamattar úıínde otyryp dauys bere alady. Komıssıya múshelerí ekí jáshíkpen olardyń mekenjaıyna barady. Olardy uchaskelík polıtsıya qyzmetkerí men baqylaushy ertíp júredí, būl rásímníń ashyqtyǵyn qamtamasyz etedí.
№48 uchaskelík saılau komıssıyasy tóraǵasynyń orynbasary Gúlzıra Tūqmanbetovanyń aıtuynsha, uchaskelerde shaǵyn syı da daıyndapty.
"Tańǵy saǵat 7:00-de kelíp dauys bergender men alǵash ret dauys beretínderge "Qazaqstan" shokoladyn beremíz. Úı-íshímen kelse típtí jaqsy. Kópshílígí osyndaı tarıhı sáttí este qaldyrǵysy kelíp, suretke túsedí", — deıdí ol.
15 nauryz kúní Almatyda qoǵamdyq kólíkte jol júru barlyq sanattaǵy azamattar úshín tegín bolady. Būl qala tūrǵyndaryna óz saılau uchaskesíne artyq aqsha shyǵarmaı jetíp alyp, dauys beruge múmkíndík beredí.
Almatydaǵy saılau uchaskelerí qala tūrǵyndaryn qabyldauǵa tolyq daıyn.