Nauryz merekesí qarsańynda Qazaqstanda 13–23 nauryz aralyǵynda auqymdy respublıkalyq «Nauryz Sale» aktsıyasy bastalady, – dep habarlaıdy aqshamnews.kz tílshísí.
Aktsıya kezeńínde sauda subektílerí halyqqa azyq-túlík jáne azyq-túlík emes tauar toptaryna 10–70 paıyz aralyǵynda merekelík jeńíldíkter ūsynady.
Aktsıyalyq tauarlar sauda zaldarynda arnaıy merekelík navıgatsıya jáne «Nauryz» fırmalyq bezendíruí arqyly belgílenedí. Atap aıtqanda, taqyryptyq baǵa belgílerí, brendtelgen kórsetkíshter, bannerler jáne basqa da POS-materıaldar ornalastyrylyp, satyp alushylarǵa assortımentte ońaı baǵdarlanyp, jeńíldíkpen ūsynylǵan tauarlardy jyldam tabuǵa múmkíndík beredí.
Aktsıyaǵa íshkí sauda salasynyń shamamen 300 subektísí qatysady. Olardyń qatarynda 140 sauda úıí men sauda-oıyn-sauyq ortalyǵy, 140 sauda jelísí jáne 20 elektron sauda subektísí bar. Qatysushylar qatarynda eldíń írí sauda jelílerí — Magnum, Small, Galmart, «Anvar», «Dına», Toimart, «Astykjan», «Ayan», Greenwich jáne basqalary, sondaı-aq Mega Silk Way, Keruen, Keruen City, «Arujan», «Saryarka», Shymkent Plaza sıyaqty írí sauda úılerí men sauda-oıyn-sauyq ortalyqtary bar.
Baıqau
Būǵan deıín Sauda jáne ıntegratsıya mınıstrlígí Qazaqstannyń sauda subektílerí arasynda «Sauda in Digital Nauryz» respublıkalyq konkursynyń ótkízíletínín jarıyalaǵan bolatyn. Konkurs 2026 jylǵy 13–20 nauryz aralyǵynda ótedí jáne sauda nysandaryn merekelík bezendírude zamanauı tsıfrlyq sheshímderdí engízuge, sondaı-aq ınnovatsıyalyq servısterdí damytuǵa baǵyttalǵan.
Qatysushylar óz jobalaryn tórt nomınatsıya boıynsha ūsyna alady: «Úzdík tsıfrlyq bezendíru», «Úzdík tsıfrlyq qūttyqtau», «Jasandy ıntellekttí úzdík paıdalanu» jáne «Eń kreatıvtí Digital-joba». Qatysu úshín Instagram áleumettík jelísínde #saudadigitalnauryz heshtegímen beınerolık jarıyalap, Sauda jáne ıntegratsıya mınıstrlígíníń resmı paraqshasyn belgíleu qajet.