Almatyda erekshe qajettílígí bar tūrǵyndar respublıkalyq referendum ótetín kúní saılau uchaskeleríne baru úshín «Invataksı» qyzmetín tegín paıdalana alady, – dep habarlaıdy aqshamnews.kz tílshísí.
Uchaskelerdíń qoljetímdílígín qamtamasyz etu jáne qala tūrǵyndarynyń kedergísíz qatynauyna jaǵdaı jasau maqsatynda «Invataksı» qyzmetíníń jūmysyn qalanyń Jūmyspen qamtu jáne áleumettík baǵdarlamalar basqarmasy ūıymdastyrady.
Qyzmet arbamen júretín jáne tírek-qımyl apparaty būzylǵan azamattarǵa, sondaı-aq kóru qabíletí būzylǵan adamdarǵa arnalǵan.
Referendum kúní qalada 170 «Invataksı» avtokólígí jūmys ísteıdí. Onyń íshínde 36 arnaıy jabdyqtalǵan kólík jáne 2020 jyldan erte shyǵarylmaǵan 134 jeńíl avtomobıl bar. Sonymen qatar Múmkíndígí shekteulí azamattarǵa kólík qyzmetín kórsetu úshín qosymsha 20 kezekshí avtokólík tartylady.
«Invataksı» qyzmetíne dıspetcherlík qyzmetterdíń telefon nómírlerí arqyly tapsyrys beruge bolady.
Arbamen qozǵalatyn jáne tírek-qımyl apparaty būzylǵan azamattar úshín:
+7 707 710 60 50
+7 747 195 35 75
+7 747 402 64 15
Kóru qabíletí būzylǵan azamattar úshín:
+7 727 338 32 78
+7 705 980 87 09
+7 705 831 48 14
Sondaı-aq, referendum kúní kezekshí avtokólíktí +7 700 151 0701 nemese 338-30-09 nómírlerí arqyly shaqyruǵa bolady.
Kórsetílgen nómírlerge tūrǵyndar «Invataksı» qyzmetíníń sapasyna qatysty sūraqtar tuyndaǵan jaǵdaıda nemese tasymaldau barysynda máseleler paıda bolsa da habarlasa alady. Būl ís-sharalar azamattardyń erkín qozǵaluyn qamtamasyz etuge jáne respublıkalyq referendumǵa qatysu úshín barshaǵa teń múmkíndík jasauǵa baǵyttalǵan.