AQSh-tyń Las-Vegas qalasynda ótken UFC 326 turnırínde Arnaıy operatsıyalar kúshteríníń ókílí kíshí serjant Dıyar Nūrǵojaı jartylaı auyr salmaqta brazılıyalyq sportshy Rafael Tobıaspen bolǵan tartysty jekpe-jekte qarsylasynan basym tústí, – dep habarlaıdy aqshamnews.kz tílshísí.
Úsh raundqa sozylǵan tartysty jekpe-jekte tóreshílerdíń sheshímímen Dıyar Nūrǵojaı jeńíske jettí (30-27, 29-28, 29-28).
Osylaısha, Dıyar Nūrǵojaı kásíbı mansanbynda 11-shí jeńísíne qol jetkízdí, al Rafael Tobıas kásíbı MMA-da ekínshí ret jeńíldí.
Būl kezdesu faıter úshín UFC ūıymyndaǵy úshínshí jekpe-jek boldy. Qazírgí uaqytta onyń kásíbı MMA rekordy 13 jekpe-jek, 11 jeńís, 2 jeńílís (11–2) kórsetkíshínde tūr. Dıyar Nūrǵojaı 93,4 kelí salmaq dárejesínde óner kórsetedí.
Dıyar Nūrǵojaı – qoyan-qoltyq ūrystan Qazaqstannyń bírneshe dúrkín chempıony, Pankratıonnan álem chempıony, MMA-dan Azıya chempıony, Eagle FC lıgasynyń jartylaı auyr salmaqtaǵy chempıony, Dana White’s Contender Series turnıríníń jeńímpazy, UFC ūıymynyń faıterí.
2024 jylǵy qazan aıynda Dıyar Nūrǵojaı Dana White’s Contender Series turnırínde jeńíske jetíp, keıín UFC ūıymymen resmı kelísímshartqa qol qoıǵan bolatyn.
Qazaqstandyq sportshynyń UFC-de kórsetken nátıjesí men halyqaralyq arenadaǵy jetístíkterí onyń keleshektegí matchtardaǵy múmkíndíkterín aıqyn kórsetíp otyr.