Almatyda 10 nauryzda keshke qalyń qar jaua bastady. «Qazgıdromet» RMK málímetíne sáıkes, jauyn-shashyn aldymen jańbyr túrínde bastalyp, keıín qarǵa ūlasyp, 11 nauryz tańǵa deıín jalǵasty. Osy uaqyt aralyǵynda qalaǵa shamamen 27 santımetr qar tústí. Aqshamnews.kz tílshísí qalanyń qazírgí kelbetínen fotoreportaj ūsynady.
Sınoptıkterdíń boljamynsha, 11 nauryz kúní kúndíz jauyn-shashyn bolmaıdy, aua temperaturasy –6…–8 gradus shamasynda bolady, keıín taǵy tómendeıdí.
Joldaǵy qauípsízdíktí qamtamasyz etu úshín kóshelerge 75 jedel brıgada, 2710 jol salasy jūmysshysy jáne 1225 arnaıy tehnıka jūmyldyryldy. 200-den astam sypyru tehnıkasy jolǵa kóktaıǵaqqa qarsy materıaldardy seuíp júr. Sebu jūmystary ayaqtalǵannan keıín tehnıka 28 kolonnaǵa bíríktírílíp, magıstraldyq kóshelerdí tazalauǵa kírísedí.
Túnnen bastap qalanyń negízgí magıstraldarynda qardy jınau jūmystary qolǵa alyndy. Jūmys jol polıtsıyasynyń patruldík kólíkteríníń kómegímen tehnıka kolonnalary arqyly ístelíp jatyr. Sonymen qatar shaǵyn kólemdí tehnıka men jūmysshylar trotuarlardy, qoǵamdyq kólík ayaldamalaryn, jerústí ótkelderín, baspaldaqtar men pandustardy tazalanyp jatyr.
Qala tūrǵyndarynan saqtyq sharasyn saqtau eskertíledí: júrgízushílerge jyldamdyqty tómendetíp, araqashyqtyq saqtauǵa, al júrgínshílerge trotuarlarda abaı boluǵa keńes beríledí. Sonymen qatar tūrǵyndardan qar tazalaıtyn tehnıkanyń jūmysyna kedergí keltírmeu jáne kóshelerdí jedel tazalaudy qamtamasyz etu úshín kólíkterín jol jıegíne qoımau sūralady. Kommunaldyq qyzmet táulík boıy kóshe men joldyń jaǵdaıyn baqylap, qalany tazalau jūmystaryn jalǵastyryp jatyr.
