Nauryz meıramyn merekeleu kezeńínde halyqtyń temírjol tasymaldaryna degen joǵary sūranysyn qanaǵattandyru maqsatynda qosymsha poıyzdar taǵaıyndalyp, eń sūranysqa ıe baǵyttarda oryn sany arttyrylatyn bolady, – dep habarlaıdy aqshamnews.kz tílshísí.
Atap aıtqanda, standartty jolaushylar vagondarynan qūralǵan 22 reıske 3 qosymsha poıyz taǵaıyndaldy:
№201/202 «Almaty-2 – Astana-1»;
№204/203 «Nūrly jol – Shymkent»;
№205/206 «Aqtóbe – Nūrly jol».
Sonymen qatar, jolaushylar aǵyny joǵary baǵyttar boıynsha qoldanystaǵy poıyzdarǵa qosymsha 230 tírkemelí vagon qosyldy.
Qala mańy tasymaldary jelísí boıynsha Astana – Pavlodar, Shu – Taraz, Astana – Atbasar, Astana – Kurort-Burabaı, sondaı-aq Qaraǵandy – Balqash baǵyttary boıynsha 11 qosymsha reıs ūıymdastyryldy jáne Qaraǵandy – Balqash baǵytyna 6 tírkemelí vagon qosu qarastyrylǵan.
Jalpy Nauryz meıramy kúnderí jolaushylar úshín qosymsha shamamen 45 myń oryn ūsynylatyn bolady.
Sonymen qatar, elímízdíń bírqatar temírjol vokzaldarynda shaǵyn merekelík ís-sharalar ótkízu josparlanuda, onyń íshínde jolaushylarǵa dástúrlí ūlttyq taǵamdar ūsynu, taqyryptyq fotozonalar ornatu jáne mádenı qoıylymdar ūıymdastyru qarastyrylǵan, būl Nauryzdy merekeleu kúnderí jolaushylarǵa merekelík kóńíl-kúı syılauǵa múmkíndík beredí.