Forumǵa qoǵam ókílderí, jastar ūıymdarynyń múshelerí, sarapshylar men akademıyalyq orta ókílderí qatysty, – dep habarlaıdy aqshamnews.kz tílshísí.
Ís-sharanyń ashyluynda Almaty qalalyq máslıhatynyń tóraǵasy, Konstıtutsıyalyq reforma jóníndegí komıssıya múshesí, Almaty qalalyq jalpyūlttyq koalıtsıyasynyń jetekshísí Meıírjan Otynshıev qatysushylardy jańa Konstıtutsıyanyń qabyldanuymen qūttyqtady.
– Referendum jóníndegí ortalyq komıssıyanyń málímetíne sáıkes, dauys bergen azamattardyń 87 paıyzdan astamy jańa Konstıtutsıyany qoldady. Būl – qoǵamnyń jańaru baǵytyn sanaly túrde tańdaǵanyn kórsetedí, – dedí spıker.
Sondaı-aq, jańa Konstıtutsıya jobasyn ázírleu barysynda almatylyqtardyń ūsynys-píkírlerí eskerusíz qalmaǵany atap ótíldí.
– Jańa Konstıtutsıya – eń aldymen bolashaq ūrpaqtyń ıgílígí úshín qabyldanǵan qūjat. Jastardyń óz azamattyq ūstanymyn bíldíruí – elímízdegí áleumettík-sayası mádenıettíń jańa deńgeıge kóterílgeníníń dálelí, – dedí Meırjan Otynshıev.
Almaty qalalyq JAIDARMAN fılıalynyń dırektory Ońdasyn Qūlymbetov te jastarǵa osy mańyzdy oqıǵaǵa belsendí qatysqany úshín alǵys bíldírdí.
– Árqaısymyz tarıhı kezeńníń kuásí boldyq. Jastardyń el bolashaǵyna beıjaı qaramaı, jauapkershílík tanytuy quantady. Būl qadam Qazaqstanda ádílettí árí progressıvtí qoǵam qūruǵa jol ashady dep senemín, – dedí ol.
Sonymen qatar, referendum qorytyndylaryn jurnalıst Botagóz Tūrsynova, qalalyq studenttík ombudsmen, Studentter alyansynyń tóraǵasy Aıbolat Sembıev jáne Satbayev University oqytushysy Ruslan Nūrlybaev qoldady.
Teatrǵa jınalǵan jastar Qazaqstan tuyn jelbíretíp, spıkerlerdí qyzu qoldady. Áleumettík jelílerde tanymal jasandy ıntellekt keıípkeríÁdílet esímdí Barys ta jastarǵa qoldau kórsettí.
Qorytyndylaı kele, forum tek referendumnyń qoǵamdyq-sayası mańyzyn talqylaıtyn alań emes, el damuynyń negízgí baǵyttary tóńíregínde azamattardyń bírlígín kórsetken mańyzdy jıyn boldy.