Nauryz merekesí qarsańynda Almatyda alǵash ret bírden úsh mūz aıdynynda ūlttyq kıímmen syrǵanau ís-sharasy ūıymdastyryldy, – dep habarlaıdy aqshamnews.kz tílshísí.
18 nauryz kúní saǵat 16:00-den bastap Almaty Arena, Halyq Arena men Olımpık keshenderí barlyq nıet bíldírushílerge esígín aıqara ashty. Bírínshí bolyp syrǵanaǵysy kelíp, aıdynǵa alyp ūshqan mektep oqushylary boldy.
Qala ákímdígíníń bastamasymen būl ís-sharada studentterden bastap balaly otbasylar men úlken kísílerge deıíín tegín syrǵanap, qanshama adam bas qosty.
Ásírese kóz tartar kamzol, ásem sáukele men zerlí shapandar ís-sharanyń ajaryn ashyp, aıdyndy típtí ásem etíp jíberdí.
Mūz aıdyndary qazír dástúr men osy zamanǵy qala ómírí úılesím tapqan erekshe keńístíkke aınaldy osylaısha.
Qonaqtar quana suretke túsíp, alǵan áserín aıtyp, mūzdyń betíne shyǵyp, mádenı mūrany osylaı da nasıhattauǵa bolatynyn kóńílge túıíp qaıtty.
Būl kesh sporttyq demalys qana emes, ūrpaq sabaqtastyǵy men ūlttyq qūndylyqqa degen qūrmettíń jarqyn úlgísíne aınaldy.
Almaty dástúrdí tanytuda eshteńe kedergí bola almaıtynyn taǵy dáleldep otyr.