Ulttyq ulannyń "Ońtústik" óńirlik qolbasshylyǵyna qarasty áskerı bólimderde 2026 jylǵy jańa qysqy oqý kezeńi bastaldy.
"Qazaqstan Respýblıkasynyń Prezıdenti – el Qarýly Kúshteriniń Joǵarǵy Bas Qolbasshysy – Qazaqstan Respýblıkasy ishki saıasatynyń qundylyqtary men baǵyttary, jańa oqý jylynda áskerı qyzmetshilermen ótkizilgen alǵashqy memlekettik-quqyqtyq daıyndyq sabaǵynyń basty taqyrybyna aınaldy.
Qolbasshylyq basqarmasynyń, sondaı-aq qolbasshylyqqa baǵynyshty 5571 áskerı bóliminiń áskerı qyzmetshilerimen alǵashqy tárbıelik sabaqty "Ońtústik" óńirlik qolbasshylyǵynyń qolbasshysy gereral-maıor Talapker Ámireev júrgizdi. Sabaq barysynda Ulttyq ulan Bas qolbasshysynyń 2026 oqý jylyna qoıǵan jaýyngerlik tapsyrmalary naqtylandy. Sondaı-aq memleket basshysynyń bastamasymen elimizde iske asyp jatqan aýqymdy jobalarmen qatar, memleketimizdiń ótken 2025 jylǵy jetken jetistikterine erekshe toqtalyp ótti.
Al qolbasshylyqqa qarasty áskerı bólimderde ótkizilgen is-sharalarǵa "Ońtústik" óńirlik qolbasshylyǵy qolbasshysynyń orynbasarlary jetekshilik etip, áskerı qyzmetshilermen memlekettik-quqyqtyq daıyndyq sabaǵyn ótkizdi.
Alǵashqy tárbıelik saǵattan keıin saptyq alańda sap túzegen ulandyqtar qarý-jaraq pen áskerı tehnıkany, sondaı-aq áskerı múlikterdi durys qoldaný, kez kelgen mindetterdi atqarý kezinde qaýipsizdik sharalaryn qatań saqtaý boıynsha sabaqtarǵa tarasty.
Sabaqtar barysynda jeke quramǵa qyzmettik-jaýyngerlik áreketterdiń barlyq baǵyttary boıynsha arnaıy daıyndalǵan beınerolıkter kórsetildi.
Jańa oqý jylynda qoǵamdyq tártip pen qaýipsizdikti qamtamasyz etý boıynsha ulandyqtardyń aldynda kóptegen atqarylar jaýapty mindetter tur.