2026 jyly 18 nauryzda Almatyda Ūlttyq kıím kúníne oraı Alatau Creative Hub ortalyǵynda «Etno-Fashion» ūlttyq kıímder fleshmoby óttí, – dep habarlaıdy aqshamnews.kz tílshísí.
Sonymen qatar, №20 kítaphananyń ūıymdastyruymen Almaty sán jáne qyzmet kórsetu salasy kolledjínde ūlttyq qūndylyqtardy dárípteuge baǵyttalǵan «Ūlttyq sezím» atty ís-shara ūıymdastyryldy.
Atalǵan ís-sharalardyń maqsaty – qazaqtyń ūlttyq kıímderíníń tarıhı jáne mádenı mańyzyn nasıhattau, etno-fashion baǵytyn damytu, sondaı-aq dástúrlí mūrany zamanauı sán ındustrıyasymen úılestíru.
Ís-sharalarǵa dızaınerler, qoǵam belsendílerí jáne sánge qyzyǵatyn studentter qatysyp, ūlttyq mūraǵa degen qyzyǵushylyqtaryn tanytty.
Ís-shara barysynda kórermenderge ūlttyq kıímníń merekelík kıím ǵana emes, kúndelíktí ómírge de laıyq stıl ekení kórsetílíp, onyń erekshelíkterí, maǵynasy men tarıhy tanystyryldy. Sonymen qatar, qatysushylardyń tanymdyq deńgeıín arttyru maqsatynda arnaıy beıne-vıktorına ūıymdastyryldy.
Sán kórsetílímínde Qazaq-Oner ūlttyq qauymdastyǵynyń prezıdentí Aıgúl Janseríkovanyń «Aigul Line» toptamasy, «Alatau» ortalyǵynyń «Yunaya model» úıírmesíníń «Alasha» toptamasy, sondaı-aq Adel Model Academy jáne Icon Modeling agenttíkteríníń modelderí óner kórsettí.
Al «Ūlttyq sezím» ís-sharasynda tígínshí-dızaıner, «Aru-Aı» brendíníń negízín qalaushy, «Altyn alqa» ıegerí Sanduǵash Myrzabekqyzy ūlttyq kıímníń mání men onyń qazírgí sándegí orny turaly oı bólístí.
Jıyn sońynda qatysushylarǵa alǵys hattar men kítaptar syıǵa tartyldy.
Atalǵan ís-sharalar tól mádenıetímízdí dáríptep, ūlttyq naqyshty zamanauı stılmen úılestíruge yqpal etedí.
