Almatynyń Óńírlík kommunıkatsıyalar qyzmetíníń jurnalısterí kúní boıy respublıkalyq referendumnyń ótu barysyn baqylap, qalanyń ár audanyndaǵy ondaǵan uchaskede boldy, – dep habarlaıdy aqshamnews.kz tílshísí.
Keshke qaraı uchaskelerdegí qarbalas sayabyrsı bastady. Bostandyq audanyndaǵy №225 referendum uchaskesínde jurnalıster dauys beruge kelgen sońǵy tūrǵyndardyń bírín kezdestírdí.
Solardyń bírí — almatylyq Damır Qūlmanov. Ol uchaske jabylardan bírneshe mınut būryn kelíp, dauys beruge úlgerdí.
Onyń aıtuynsha, jūmystan kesh shyqqanyna qaramastan, referendumǵa qatysudy mańyzdy dep sanaǵan.
«Jūmysta bógelíp qaldym, sondyqtan uchaskege jabylar aldynda ǵana keldím. Bíraq báríbír úlgeríp, tańdau jasaǵym keldí», — dedí ol.
Damır Qūlmanovtyń tuystary dauys beruge kúndíz qatysqan, al ózí jūmys kestesíne baılanysty keshkí uaqytta ǵana keluge múmkíndík tapqan.
Saǵat 20:00-de uchaske dauys berudí ayaqtap, árí qaraı byulletenderdí sanau men rásímdík jūmystarǵa kírístí.