Almatyda ótken respublıkalyq referendumǵa qatysqan sońǵy azamattardyń bírí Bostandyq audanynyń tūrǵyny Seríkjan Mysyrbaev boldy, – dep habarlaıdy aqshamnews.kz tílshísí.
Ol jūbaıymen bírge Astana qalasynan sapardan endí ǵana oralyp, vokzaldan bírden dauys beru uchaskesíne barǵan.
№37 mektep ǵımaratynda ornalasqan №241 uchaske jabylardan nebárí 15 mınut būryn ol tírkeuden ótíp, dauys beruge úlgerdí.
Seríkjan Mysyrbaevtyń aıtuynsha, el úshín mańyzdy oqıǵadan shet qalmau úshín joldan kele sala uchaskege barudy jón kórgen.
Kúní boıy Almatydaǵy referendum uchaskelerínde tūrǵyndardyń belsendílígí baıqaldy. Kópshílík tańerteńnen bastap dauys beruge kelse, keıbír almatylyqtar Seríkjan Mysyrbaev sıyaqty uchaske jabylar aldyndaǵy sońǵy mınuttarda úlgeríp, tańdau jasady.