Almatyda jańa Konstıtutsıya jobasy boıynsha respublıkalyq referendumǵa Qazaqstannyń belgílí mádenıet, óner jáne ádebıet qaıratkerlerí qatysty. Dauys bergenderdíń qatarynda tanymal artıster, kompozıtorlar, jazushylar jáne shyǵarmashylyq zıyaly qauym ókílderí boldy, – dep habarlaıdy aqshamnews.kz tílshísí.
Belgílí kompozıtor, Qazaqstannyń halyq artısí jáne Memlekettík syılyqtyń laureaty Altynbek Qorazbaev Oqushylar saraıynda ornalasqan referendum uchaskesínde dauys berdí. Onyń aıtuynsha, mūndaı mańyzdy oqıǵaǵa qatysu – ár azamattyń el bolashaǵyna qosqan úlesí.
«Memlekettíń bolashaǵy búgíngí tańdauǵa baılanysty. Men búgín Qazaqstannyń jarqyn árí tūraqty bolashaǵy jáne óskeleń ūrpaqtyń ıgílígí úshín dauys berdím», — dedí kompozıtor.
Referendumǵa Qazaqstannyń halyq artısí, akter árí rejısser Dosqan Joljaqsynov pen Qazaqstan Respublıkasynyń eńbek síńírgen qaıratkerí, ánshí árí telejúrgízushí Qaragóz Súleımenova da qatysty.
Dosqan Joljaqsynovtyń aıtuynsha, azamattardyń mūndaı mańyzdy oqıǵalarǵa qatysuy qoǵam úshín aıryqsha mánge ıe.
«Būl referendum elímízdíń bolashaǵy úshín mańyzdy kezeń. Árbír azamattyń dauysy – qoǵam aldyndaǵy jauapkershílík árí memlekettíń damuyna qosqan úlesí», — dedí ol.
Referendumǵa ádebı orta ókílderí de belsendí qatysty. Olardyń qatarynda aqyn árí qoǵam qaıratkerí Júrsín Erman, jazushy Kádírbek Segízbaev jáne Medeu audanyndaǵy №359 uchaskede dauys bergen belgílí jazushy, ūlttyq dástúrdí nasıhattaushy Zeınep Ahmetova bar.
Mádenıet qaıratkerleríníń aıtuynsha, referendumǵa qatysu – azamattyq jauapkershílíktíń kórínísí árí el bolashaǵyna qatysty píkír bíldíru múmkíndígí. Olardyń qatysuy qoǵamda belsendí azamattyq ūstanymnyń mańyzyn taǵy bír márte kórsettí.