Referendum kúní almatylyq jastar áleumettík jelílerde bastalǵan onlaın chellendjge belsendí qatysty. Studentter, eríktíler jáne belsendí qoldanushylar dauys beru uchaskelerínen qysqa beıneler, storıster men jazbalar jarıyalap, mańyzdy oqıǵaǵa qatysu barysyndaǵy áserín bólístí, – dep habarlaıdy aqshamnews.kz tílshísí.
Chellendjge qatysushylar uchaskege qalaı kelgenín kórsetíp, azamattyq ūstanym bíldírudíń mańyzyn aıtyp, estafetany dostary men jazylushylaryna joldady. Jarıyalanymdarda #MenDauysBerdím, #ElímÚshínTańdau jáne #ReferendumǵaBardym heshtegterí qoldanylyp, paıdalanushylardy búgíngí kúnníń basty taqyryby tóńíregínde bíríktírdí.
Osy chellendj arqyly jastar ózderíníń azamattyq belsendílígín kórsetíp, qoǵamdyq talqylaudy tsıfrlyq keńístíkke de shyǵardy. Būl kúní áleumettík jelíler jas almatylyqtardyń dauys beruge qatysu tájírıbesímen bólísíp, bír-bírín belsendí boluǵa jáne eldíń bolashaǵyna beıjaı qaramauǵa shaqyratyn alańǵa aınaldy.