Qazaqstan Konstıtutsıyasyna ózgeríster engízu jóníndegí referendum kúní Almatydaǵy dauys beru uchaskelerínde tūrǵyndar úshín túrlí mádenı jáne oıyn-sauyq sharalary ūıymdastyryldy. Qalanyń ár audanynda kontsertter ótíp, fotoaımaqtar, jármeńkeler men balalarǵa arnalǵan oıyn alańdary jūmys ístedí, – dep habarlaıdy aqshamnews.kz tílshísí.
Qalalyq qyzmetter tūrǵyndardyń būl kúndí merekelík kóńíl kúıde ótkízuí úshín arnaıy baǵdarlamalar ázírledí.
Tūrǵyndarǵa jergílíktí óndírushílerdíń ónímderín ūsynǵan áleumettík jármeńkeler ūıymdastyryldy. Qala boıynsha barlyǵy 24 jármeńke ótíp, olarǵa shamamen 50 myń adam keldí. 350 kásípker men óndírushí ónímderín ūsyndy.
Osylaısha referendum uchaskeleríne kelgen tūrǵyndar dauys berumen qatar túrlí ís-sharalarǵa qatysa aldy: eresekter jármeńkelerdí aralap, jastar kontsertterdí tamashalap, fotoaımaqtarda suretke tústí, al balalar oıyn-sauyq baǵdarlamalaryna qatysty.
Qalalyq qyzmetterdíń málímetínshe, mūndaı ís-sharalar tūrǵyndardyń kóńíl kúıín kóteríp, dauys beru kúnín almatylyqtar úshín jaıly árí ashyq etedí.
Bírqatar uchaskede belgílí ónerpazdar óner kórsettí. Tūrǵyndarǵa arnalǵan shaǵyn kontsertterde Aıjan Nūrmaǵambetova, Ashat Tarǵyn, Seıfullın Jolbarys jáne Baha án shyrqady. Árbír oryndaushy túrlí uchaskelerde óner kórsetíp, saılaushylarǵa kóteríńkí kóńíl kúı syılady.
Kontsertter, atap aıtqanda, №140 mektepte ornalasqan №247 jáne №248 uchaskelerde, sondaı-aq №63 mekteptegí №230 jáne №290 uchaskelerde óttí. Muzykalyq baǵdarlamalar qala tūrǵyndarynyń nazaryn audaryp, dauys beru kúníníń atmosferasyn jandandyra tústí.
Kóptegen uchaskege almatylyqtar ūlttyq kıímmen kelíp, ís-sharaǵa erekshe reńk qosty. Dauys beru oryndarynyń janynda fotobudkalar men arnaıy fotoramkalar ornatylyp, tūrǵyndar estelík suretke tústí.
Balalar úshín de arnaıy oıyn alańdary ūıymdastyryldy. Uchaskelerde olardy ūzyn boıly quyrshaqtar qarsy alyp, shaǵyn qoıylymdar men túrlí oıyn-sauyq baǵdarlamalar ótkízíldí.