Qazaqtyń belgílí aqyny, jurnalıst, redaktor, Jazushylar Odaǵynyń tóraǵasy Ūlyqbek Esdáulet qazaqstandyqtardy Astana kúnímen qūttyqtady.
Ū. Esdáulet Nūr-Sūltan qalasy – memleketímízdíń júregí, ekonomıkalyq damudyń tíregí, elímízdíń mádenı kelbetí ekenín atap óttí
"Būryn Aqmola, keıín Astana, al búgínde Nūr-Sūltan qalasy retínde tanymal. Bíz qalanyń qalaı damyp, ǵımarattardyń boı kóteríp, kóshelerdíń abattandyryluyna kuá boldyq. Nūr-Sūltanda sání men saltanaty jarasqan túrlí sáulet qūrylystaryn, atap aıtqanda, Pıramıda, Han Shatyr men basqalaryn kóruge bolady. Mūnda Batys pen Shyǵystyń stılí aralasyp, Elordany erekshe sáulet nysanyna aınaldyrdy. Jazushylar Odaǵynyń Nūr-Sūltandaǵy fılıalynyń ǵımaraty da ózíníń erekshelígímen tanymal. Barlyq forumdar bas qalada ótedí. Elordada barlyq tanymal jazushylarǵa eskertkíshter qoıylyp, alleyalar men alańdar ashyldy. Nūr-Sūltan aqyndar men jazushylardy jańa tuyndylarǵa shabyttandyrady", – dedí aqyn.