Almaty qūramasy surdlımpıadalyq sport túrlerínen Qazaqstan Respublıkasynyń IV Spartakıadasynda jalpykomandalyq esepte bírínshí oryn aldy, – dep habarlaıdy aqshamnews.kz tílshísí.
Qala sportshylary jarysty 92 medalmen ayaqtady: 29 altyn, 31 kúmís jáne 32 qola. Būl turaly Almaty qalasy Sport basqarmasynyń ókílderí habarlady.
Respublıkalyq Spartakıada 10-25 tamyz aralyǵynda Almatyda, Almaty oblysynda jáne Oralda óttí. Jarysqa elímízdíń 19 óńírínen 1500-den astam sportshy qatysty. Sporttyń 10 túrínen 274 medal jıyntyǵy sarapqa salyndy.
Spartakıada qorytyndysy boıynsha Almaty qūramasy 228 ūpaı jınap, jalpykomandalyq esepte jeńímpaz atandy. 186 ūpaımen Jambyl oblysy ekínshí oryn alsa, 155 ūpaı jınaǵan Astana úzdík úshtíktí túıíndedí.
Almatylyq sportshylar on sport túríníń toǵyzynda komandalyq júldege ıe boldy. Qala qūramasy grek-rım kúresí, badmınton, shahmat jáne jeńíl atletıkadan bírínshí oryn aldy. Ústel tennısí, dzyudo jáne taekvondodan ekínshí, al erkín kúres pen futboldan úshínshí oryn ıelendí.
Almatylyq sportshylar ásírese, jeńíl atletıkada joǵary nátıje kórsettí. Úsh jarys kúníníń qorytyndysy boıynsha komanda 8 altyn, 9 kúmís jáne 4 qola medal jeńíp alyp, osy sport túrínen jalpykomandalyq esepte bírínshí orynǵa ıe boldy.
Jalpy alǵanda, Almaty sportshylarynyń enshísínde 92 medal bar. Spartakıada tórt jylda bír ret ótkízíledí jáne surdlımpıadalyq sportty damytuǵa, estu qabíletí būzylǵan sportshylardyń sheberlígín arttyruǵa, sondaı-aq ūlttyq qūrama sapyna úzdík sportshylardy íríkteuge baǵyttalǵan.