Almatyda Saın kóshesínde qoǵamdyq kólíkke arnalǵan arnaıy jolaqty ūıymdastyru boıynsha pılottyq joba ayaqtaldy, – dep habarlaıdy aqshamnews.kz tílshísí.
Joba qorytyndysy qoǵamdyq kólíkke basymdyq berudíń tıímdí ekenín kórsettí. Sondaı-aq arnaıy jolaqtardy aldaǵy uaqytta bíryńǵaı keshendí shema ayasynda damytu formaty aıqyndaldy. Būl turaly qalalyq Jol qozǵalysyn ūıymdastyru jáne jolaushylar kólígí basqarmasynyń ókílderí habarlady.
Saın kóshesíndegí arnaıy jolaq qaladaǵy kólík qozǵalysy eń qarqyndy magıstraldardyń bírínde qoǵamdyq kólíkke basymdyq berudíń tıímdílígín baǵalau maqsatynda pılottyq rejımde engízílgen bolatyn.
Monıtorıng nátıjesí arnaıy jolaq engízílgennen keıín qoǵamdyq kólík jūmysynyń negízgí kórsetkíshterínde oń ózgerís bolǵanyn kórsettí.
Ásírese, qarbalas uaqytta aıqyn nátıje tírkeldí. Tańǵy qarbalas uaqytta qoǵamdyq kólíktíń jol uchaskeleríndegí qozǵalys jyldamdyǵy 26,2 km/saǵ-tan 31,8 km/saǵ-qa deıín, yaǵnı 21,37%-ǵa artty. Keshkí qarbalas uaqytta ortasha jyldamdyq 25 km/saǵ-tan 30,4 km/saǵ-qa deıín ósíp, 21,6%-ǵa artty.
Sonymen qatar qoǵamdyq kólík qozǵalysynyń tūraqtylyǵy jaqsardy. Bír kún íshíndegí ortasha qozǵalys aralyǵy 13,6 mınuttan 12 mınutqa deıín, yaǵnı shamamen 12%-ǵa qysqardy. Al tańǵy qarbalas uaqytta aralyq 13,6 mınuttan 11,6 mınutqa deıín nemese 14,7%-ǵa azaıdy.
Jolaushylar sanynda da oń dınamıka baıqaldy. Bír táulíktegí jolaushylar sany 42 396-dan 44 515,8-ge deıín, yaǵnı 5%-ǵa artty.
Qozǵalys jyldamdyǵy men tūraqtylyǵynyń jaqsaruymen qatar jolaushylar sanynyń artuy atalǵan baǵytta qoǵamdyq kólíkke degen sūranystyń óskenín kórsetedí.
Osylaısha, pılottyq jobanyń nátıjesí arnaıy jolaqtardyń qoǵamdyq kólíktíń qozǵalys jyldamdyǵy men tūraqtylyǵyn, ásírese qarbalas uaqytta arttyrudyń tıímdí qūraly ekenín rastady.
Sonymen bírge pılottyq joba arnaıy jolaqtardy jeke-jeke uchaske retínde emes, qalanyń negízgí magıstraldarynda qoǵamdyq kólíkke basymdyq beretín ózara baılanysty bírtūtas júıe retínde damytu qajettígín kórsettí.
Osyǵan baılanysty Saın kóshesí ál-Farabı dańǵyly – Saın kóshesí – Rysqūlov dańǵyly – Shyǵys aınalma joly baǵyttaryn qamtıtyn aınalma marshruttyń keshendí shemasynyń bír bólígí retínde qarastyrylyp otyr. Būl baǵytta qoǵamdyq kólíkke basymdyq beríledí.
2026 jyly 31 tamyzdan bastap Saın kóshesíndegí arnaıy jolaq alynyp tastalady. Būl pılottyq formattan kelesí kezeńge, yaǵnı jol jelísíníń basqa uchaskelerín jáne keshendí shemany íske asyruǵa qajettí normatıvtík talaptardy daıyndauǵa kóshuge baılanysty.
Ol úshín jol jelísíníń basqa uchaskelerín kezeń-kezeńímen daıyndau, sondaı-aq Qazaqstan Respublıkasynyń jol qozǵalysyn ūıymdastyru salasyndaǵy qoldanystaǵy standarttary men normatıvtík qūjattaryna qajettí ózgeríster engízu qajet.
Qajettí normatıvtík sheshímder qabyldanyp, tıístí ınfraqūrylym daıyndalǵannan keıín Saın kóshesíndegí qoǵamdyq kólíkke basymdyq beretín qozǵalysty qalanyń negízgí magıstraldaryndaǵy arnaıy jolaqtardyń ózara baılanysty jūmysyn qamtamasyz etetín keshendí shema ayasynda júzege asyru josparlanyp otyr.
Almaty ákímdígí qoǵamdyq kólíktí damytudy jáne qala joldarynda onyń basym qozǵalysyna jaǵdaı jasaudy jalǵastyrady.