Jańa oqu jyly qarsańynda Shin-Line korporatıvtík qaıyrymdylyq qorynyń ūıymdastyruymen «Balalardy mektepke dayarlaıyq» aktsıyasy óttí, – dep habarlaıdy aqshamnews.kz tílshísí.
Bıyl kópbalaly jáne az qamtylǵan otbasylardan shyqqan 200 oqushyǵa mektep sómkelerí men qajettí keńse tauarlarynyń tolyq jıyntyǵy tabystaldy.
Bastamanyń basty maqsaty — otbasylarǵa qoldau kórsetíp, balalardyń jańa oqu jylyna qajettí qūraldarmen qamtyluyna kómektesu.
«Bala úshín jańa sómke men mektepke qajettí qūraldar — jaı ǵana zattar emes. Būl — jańa kezeńge daıyn ekeníńdí sezínu, óz qatarlastaryńmen bírge mektep ómírín senímdí bastau múmkíndígí. Sondyqtan bíz úshín mūndaı qoldaudyń júıelí túrde kórsetílíp, balalarǵa oqu jylyn quanyshpen bastauǵa múmkíndík bergení mańyzdy», — dedí Shin-Line korporatıvtík qaıyrymdylyq qorynyń prezıdentí Damır Dıgaı.
«Balalardy mektepke daıyndaıyq» aktsıyasy 2023 jyldan berí ótkízílíp keledí. Osy uaqyt íshínde 600-den astam balaǵa mektep sómkelerí men keńse tauarlarynyń tolyq jıyntyǵy tabystaldy.
Bírneshe jyl íshínde būl aktsıya Shin-Line korporatıvtík qaıyrymdylyq qorynyń ıgí dástúríne aınaldy. Onyń basty maqsaty — kópbalaly jáne az qamtylǵan otbasylarǵa qoldau kórsetíp, balalarǵa mektep ómírín quanyshpen árí senímdí bastauǵa kómektesu. Kompanıya áleumettík jáne qaıyrymdylyq jobalaryn júzege asyrudy jalǵastyrady.