Kezdesu barysynda ekí el arasyndaǵy yntymaqtastyqty odan árí damytudyń perspektıvaly baǵyttary talqylandy, – dep habarlaıdy aqshamnews.kz tílshísí.
Vetnamdaǵy Qazaqstan mádenıetí kúnderí ayasynda Qazaqstan Respublıkasy Premer-mınıstríníń orynbasary – Mádenıet jáne aqparat mınıstrí Aıda Balaeva Vetnam Sotsıalıstík Respublıkasy Premer-mınıstríníń orynbasary Fam Thı Than Chamen kezdestí.
«Búgínde elderímíz arasyndaǵy qarym-qatynas jańa kezeńge qadam basty. Ótken jyly Qazaqstan men Vetnam arasyndaǵy baılanystar strategıyalyq áríptestík deńgeıíne kóteríldí. Būl sayası jáne ekonomıkalyq yntymaqtastyqpen qatar, mádenı-gumanıtarlyq yqpaldastyqty da odan árí tereńdetuge mol múmkíndík beredí. Bíz Vetnamdaǵy mádenı jáne kreatıvtí ındustrıyalardyń damuyn úlken qyzyǵushylyqpen baqylap otyrmyz. Osy oraıda kınematografıya, oryndaushylyq óner men mádenı turızmnen bastap, mádenı mūrany saqtau, dástúrlí qolóner jáne zamanauı dızaın salalaryna deıíngí bírqatar baǵyt boıynsha ózara yntymaqtastyqtyń áleuetí zor ekenín kóríp otyrmyz. Būl salalardaǵy tájírıbe almasu ekíjaqty baılanystarymyzǵa tyń serpín beretíníne senímdímín», – dedí Aıda Balaeva.
Taraptar dástúrlí qolónermen, jergílíktí salt-dástúrlermen jáne ūlttyq taǵamdarmen tanysu, sheberlík sabaqtary men shyǵarmashylyq baǵdarlamalarǵa qatysu arqyly sayahatshylardy eldíń mádenı ortasyna etene aralastyrudy kózdeıtín kreatıvtí turızm salasyndaǵy yntymaqtastyqqa erekshe nazar audardy.
Sonymen qatar Aıda Balaeva kınematografıya salasyndaǵy baılanysty jandandyrudy ūsyndy. Atap aıtqanda, ekí eldíń kıno aptalyqtaryn ótkízu, Qazaqstan men Vetnam kınematografısteríníń festıvalderge qatysu ayasyn keńeıtu, ekí memlekettíń aumaǵynda kıno túsírílímderín ūıymdastyru jáne bírlesken kınojobalardy júzege asyru máselelerí sóz boldy.
Qazaqstan men Vetnamnyń mádenı mūra nysandaryn, tarıhı qalalaryn, muzeılerín, qolóner ortalyqtaryn, festıvalderí men zamanauı mádenı keńístíkterín qamtıtyn keshendí turıstík baǵyttardy bírlesíp ázírleu de perspektıvaly bastamalardyń bírí retínde ataldy.
Kezdesu qorytyndysy boıynsha taraptar ózara yqpaldastyqty odan árí nyǵaıtuǵa jáne bírlesken bastamalardy ílgeríletuge múddelí ekenín bíldírdí.