Bıyl Almaty qalasy atalǵan ūlttyq konkursqa 12-ret qatysyp otyr, – dep habarlaıdy aqshamnews.kz tílshísí.
Almatyda otbasylyq qūndylyqtardy dáríptep, ónegelí shańyraqtardy kópshílíkke úlgí etuge baǵyttalǵan «Mereılí otbasy» baıqauynyń qalalyq kezeńí ayaqtaldy.
Jeńímpazdardy marapattau saltanatyna qalanyń segíz audanynda ótken íríkteu kezeńderíníń jeńímpazdary qatysyp, estelík jáne aqshalaı syılyqtarmen marapattaldy. Almaty qalasynyń jeńímpazy Bılyal otbasy boldy. Endí olar Astana qalasynda ótetín respublıkalyq baıqaudyń jeńímpazdaryn marapattau rásímíne qatysady.
Bıylǵy baıqauda ádíl qazylar qūramynda bolǵan Almaty qalalyq qoǵamdyq keńesíníń múshesí Marat Qalımoldın íríkteu asa joǵary deńgeıde ótkenín aıtty:
– Jalpy 262 ótíním tústí. Audandarda bírínshí kezeń ótíp, qalalyq kezeńge ár audannan ekí otbasy qatysty. «Mereılí otbasy» – elímízdegí asa mańyzdy, qoǵam úshín kókeıkestí máselelerdíń bírín kóteretín erekshe baıqau. Otbasylyq qūndylyqtardy saqtau men dárípteude mūndaı sharalardyń orny bólek. Tálímí men tárbıesí mol, ónegelí otbasylardyń jeńíske jetíp, halyqqa úlgí boluy – baıqaudyń basty mańyzy, – dedí ol.
«Mereılí otbasy» baıqauynyń mūndaı ıgí bastamalary berekelí shańyraqtardyń ónegesín nasıhattap qana qoımaı, jas ūrpaqqa otbasynyń qadírín ūǵyndyruǵa jáne qoǵamdaǵy otbasylyq qūndylyqtardy odan árí nyǵaıtuǵa yqpal etedí.