Túrkístan oblysynda polıtseıler Qazyǵūrt audanynda mal ūrlyǵymen aınalysqan topty qolǵa túsírdí. Kúdíktílerdíń áreketínen jergílíktí tūrǵynǵa shamamen 5 mln teńge shyǵyn kelgen, – dep habarlaıdy aqshamnews.kz tílshísí.
Túrkístan oblysynda Polıtsıya departamentíníń krımınaldyq polıtsıya basqarmasy men Qazyǵūrt audandyq polıtsıya bólímíníń qyzmetkerlerí mal ūrlyǵyna qatysy bar topty ūstady.
ÍÍM málímetínshe, polıtsıyaǵa jergílíktí tūrǵyn aryzdanǵan. Onyń aıtuynsha, belgísíz adamdar 20-dan astam qoıy men sıyryn ūrlap ketken. Keltírílgen shyǵyn kólemí shamamen 5 mln teńgení qūraǵan.
Osy qylmysty ashu úshín polıtseıler jedel-tergeu sharalaryn júrgízíp, jınalǵan aıǵaqtardy saralaǵan. Nátıjesínde 20 men 35 jas aralyǵyndaǵy bes kúdíktí anyqtalyp, ūstaldy.
Tíntu kezínde kúdíktílerdíń bíríníń úıínen 17 bas qoı men bír sıyr tabylyp, tárkílendí. Tergeu málímetínshe, ūrlanǵan maldyń bír bólígí bazarda satylyp ketken. Al odan túsken aqshany kúdíktíler óz qajetíne jūmsap úlgergen.
Qazír kúdíktíler qamauǵa alyndy. Atalǵan derek boıynsha sotqa deıíngí tergep-tekseru amaldary júríp jatyr. Polıtsıya oqıǵanyń barlyq mán-jaıyn anyqtau jūmystaryn jalǵastyruda.