Astanadaǵy qalalyq psıhıkalyq densaulyq ortalyǵynda er adam qabyldau bólímíníń feldsheríne shabuyl jasap, medıtsına qyzmetkerí bas-mı jaraqatyn aldy, – dep habarlaıdy aqshamnews.kz tílshísí.
Astanada qalalyq psıhıkalyq densaulyq ortalyǵyna kelgen er adam qabyldau bólímínde jūmys ísteıtín feldsherge shabuyl jasady.
Oqıǵa 3 sáuír kúní bolǵan. Málímetke sáıkes, er adam auruhanaǵa jatqyzylǵan tuysymen shūǵyl túrde kezdestírudí talap etken. Alaıda ol ózí turaly málímet beruden bas tartqan.
Kezekshí feldsher ony belgílengen qabyldau uaqytymen keluge shaqyrǵan. Osydan keıín er adam medıtsına qyzmetkeríne kúsh qoldanyp, oqıǵa ornynan qashyp ketken.
Saldarynan feldsher bas-mı jaraqatyn alyp, denesíníń túrlí jerínen soqqy alǵan.
Kóp ūzamaı shabuyl jasaǵan 47 jastaǵy Astana tūrǵyny polıtsıya tarapynan ūstaldy. Oǵan qatysty qylmystyq ís qozǵaldy.
Astana qalalyq polıtsıya departamentíníń málímetínshe, būl derek boıynsha medıtsına qyzmetkeríne qyzmettík míndetín atqaru kezínde kúsh qoldanu faktísímen Qylmystyq kodekstíń 380-3-baby boıynsha tergeu bastalǵan.
Polıtsıya kúdíktíge qatysty būltartpau sharasyn tańdau máselesí qaralyp jatqanyn habarlady.
Sondaı-aq vedomstvo jedel qyzmet ókílderíne qarsy kez kelgen agressıya men qorqytu áreketí qatań túrde toqtatylatynyn eskerttí.