Tótenshe jaǵdaılar jáne dúleı zílzalalar qaupín azaıtu ortalyǵynyń bazasynda Qazaqstan tarapynyń tóraǵalyǵymen Ortalyq Keńestíń on segízínshí otyrysy óttí, – dep habarlaıdy aqshamnews.kz tílshísí.
Otyrys jūmysyna Qazaqstan Respublıkasynyń Tótenshe jaǵdaılar mınıstrí general-leıtenant Shyńǵys Árínov jáne Qyrǵyz Respublıkasynyń Tótenshe jaǵdaılar mınıstrí Kanatbek Chynybaev, sondaı-aq Keńes múshelerí men beıíndí bólímshelerdíń ókílderí qatysty.
Ís-shara barysynda ortalyqtyń 2025 jylǵy qyzmetíníń qorytyndysy ūsynylyp, 2026 jylǵa arnalǵan jūmystyń basym baǵyttary aıqyndaldy. Qatysushylarǵa Ortalyq Azıya elderínde apattar qaupín azaıtu, klımattyń ózgeruíne beıímdelu jáne aqparattyq-kommunıkatsıyalyq tehnologıyalardy engízu salalaryndaǵy jobalardy íske asyru barysy turaly aqparat ūsynyldy.
2025 jyly Ortalyq óńírlík yntymaqtastyqty damytuǵa, halyqaralyq ūıymdarmen ózara ís-qımyldy nyǵaıtuǵa, sondaı-aq memlekettík organdar men halyqtyń tótenshe jaǵdaılarǵa daıyndyǵyn arttyruǵa baǵyttalǵan keshendí ís-sharalar júzege asyrylǵany atap ótíldí.
Óz sózínde Shyńǵys Árínov Ortalyqtyń óńírlík memleketterdíń kúsh-jígerín úılestíru, tájírıbe almasu jáne tótenshe jaǵdaılardyń aldyn alu men olardy joyu salasynda kelísílgen sheshímder ázírleu úshín tıímdí alań retíndegí mańyzdylyǵyn atap óttí. Ortalyqty odan árí damytu jáne halyqaralyq yntymaqtastyqty keńeıtu máseleleríne erekshe nazar audaryldy.
Otyrys sońynda yntymaqtastyqty odan árí damytuǵa jáne onyń qyzmetíníń tıímdílígín arttyruǵa baǵyttalǵan Ortalyq Keńesíníń tıístí sheshímíne qol qoıyldy.