Qasym-Jomart Toqaev Koreya Respublıkasy Prezıdentíníń arnauly ókílí – Prezıdent Ákímshílígíníń basshysy Kan Hun Shıktí qabyldady, – dep habarlaıdy aqshamnews.kz tílshísí Aqordaǵa sílteme jasap.
Memleket basshysy Koreya Respublıkasy Qazaqstannyń negízgí strategıyalyq seríktesteríníń bírí sanalatynyna nazar audaryp, ekíjaqty yqpaldastyq qarqynyna joǵary baǵa berdí.
Prezıdent Qazaqstannyń koreı halqyna jáne Koreya Respublıkasynyń damu deńgeıíne qūrmetpen qaraıtynyn atap ótíp, Astana ekí el arasyndaǵy keńeıtílgen strategıyalyq seríktestíktí odan árí nyǵaıtuǵa nıettí ekenín rastady.
Qasym-Jomart Toqaev Kan Hun Shıktíń arnauly ókíl retínde elímízge jasaǵan saparynyń mańyzdylyǵyna toqtaldy jáne Koreya Respublıkasynyń Prezıdentí Lı Chje Myońge ystyq lebízín joldady.
– Sízdíń saparyńyz qazaq-koreı yqpaldastyǵyn odan árí nyǵaıtu tūrǵysynan óte mańyzdy. Bírlesken kúsh-jígerdíń arqasynda elderímízdíń yntymaqtastyǵy arta túsetíníne senímdímín, – dedí Memleket basshysy.