Abaı oblysynyń Aqsuat audanynda joǵalyp ketken 3 jastaǵy bala der kezínde tabylyp, qaıǵyly jaǵdaıdyń aldyn alu múmkín boldy, – dep habarlaıdy aqshamnews.kz tílshísí. Būl turaly Abaı oblysy PD málímdedí.
Oqıǵa búgín, 8 sáuírde boldy. Bala úıdíń aulasynan baıqatpaı shyǵyp ketíp, íz-túzsíz joǵalǵan. Tańerteń erte tuystary óz betímen ízdeudí bastap, shamamen saǵat 11:00-de polıtsıyaǵa habar bergen.
Osydan keıín ízdeu jūmystaryna barlyq qajettí kúsh jūmyldyryldy. Polıtseıler uaqyttyń ár mınuty mańyzdy ekenín eskeríp, dalalyq aumaqty jítí teksergen.
Bírneshe saǵattan soń ízdeu barysynda atpen júrgen polıtsıya qyzmetkerí eldí mekennen alys jerden jalǵyz júrgen kíshkentaı balany baıqap qalǵan.
Saǵat 14:00 shamasynda bala auyldan shamamen 3 shaqyrym jerden tabyldy. Abyroı bolǵanda, onyń ómírí men densaulyǵyna qauíp tónbegen. Aldyn ala málímet boıynsha, bala adasyp ketken.
Osylaısha, jedel ūıymdastyrylǵan ízdeu jūmystarynyń nátıjesínde búldírshín aman-esen otbasyna qaıtaryldy.