Memleket basshysy Jambyl oblysyndaǵy farmatsevtıkalyq kásíporyndardyń qyzmetímen tanysty, - dep habarlaıdy aqshamnews.kz tílshísí.
Qasym-Jomart Toqaevtyń Jambyl oblysyna jūmys sapary «Ámír jáne D» jauapkershílígí shekteulí seríktestígíníń qyzmetímen tanysudan bastaldy.
Kásíporyn medıtsınalyq būıymdar men dárílík zattar óndíredí.
Prezıdentke medıtsınalyq preparattar men daıyn óním túrlerín shyǵaratyn negízgí tsehtyń jūmysy kórsetíldí.
«Ámír jáne D» JShS-í áleumettík mańyzy bar aurulardy dıagnostıkalauǵa arnalǵan jedel testílerdíń kóptegen túrín shyǵarady. Būl ónímder V jáne S gepatıtín, VICh-ınfektsıyasyn, mıokard talmasyn, sondaı-aq esírtkí jáne psıhotropty zattardy anyqtaı alady.
Kásíporynǵa tıesílí medıtsınalyq būıymdardyń 200-den asa atauly túrí bar. Búgínde seríktestíkte 94 qyzmetker eńbek etedí.
Memleket basshysyna «Super-pharm» farmatsevtıkalyq kompanıyasynyń jūmysy turaly aqparat beríldí.
Būl – elímízde medıtsınalyq būıymdar óndíretín jetekshí kásíporyndardyń bírí. Zauytta 600-den asa eńbekker jūmys ísteıdí.
Kompanıya otandyq naryqtaǵy bír rettík qoldanuǵa arnalǵan medıtsınalyq būıymdarǵa sūranystyń 30 paıyzyn qamtamasyz etedí.
Atap aıtqanda, kásíporyn túrlí operatsıyalar úshín hırurgıyalyq jáne protseduralyq jıyntyqtardy, medıtsınalyq betperdeníń barlyq túrín, bírrettík qorǵanysh kıímín, sanıtarlyq-gıgıenalyq maqsattaǵy būıymdardy óndíredí. Sonymen qatar medıtsınalyq shprıtster, ınfuzıondy jáne qandy qaıta qūyuǵa arnalǵan sıstema qūraldary, basqa da ónímder daıyndalady.
Prezıdent otandyq farmatsevtıka ındustrıyasynyń damuy ımportqa táueldílíktí tómendetíp, ūlttyq densaulyq saqtau júıesín nyǵaıtuda mańyzdy ekenín atap óttí.