Prezıdent, Qauípsízdík Keńesíníń Tóraǵasy Qasym-Jomart Toqaev derbes memlekettík organ retínde qūrylǵan Qauípsízdík Keńesí Apparatynyń alǵashqy keńesín ótkízdí.
Memleket basshysy Apparattyń jańa mártebesín memlekettík ınstıtuttardy reformalau úderísímen sabaqtastyra qarastyru qajet ekenín atap óttí. Álemdík ahual jedel qūbylyp jatqan kezeńde Qauípsízdík Keńesí asa mańyzdy máseleler boıynsha naqty árí jan-jaqty saralanǵan sheshímder qabyldaıtyn ortalyqqa aınaluǵa tıís.
Qasym-Jomart Toqaev qazírgí syn-qaterlerdíń sıpaty edáuír ózgergeníne nazar audardy. Osy oraıda kıberqauípsízdíktí qamtamasyz etuge jáne jasandy ıntellektíní qoldanuǵa basa mán beríldí.
Qauípsízdík Keńesíníń Tóraǵasy aldaǵy uaqytta ózektílígí arta túsetín aqparat, tehnologıya, azyq-túlík, su jáne energetıka qauípsízdígí máseleleríne erekshe toqtaldy.
Prezıdent atalǵan salalardaǵy basymdyqtardy belgílep, «Zań men tártíp» qaǵıdatyn negízgí baǵdar retínde atady.
Keńes qorytyndysy boıynsha Apparatqa bírqatar naqty míndetter júkteldí. Qazaqstannyń ūlttyq múddesín, egemendígí men tūraqtylyǵyn qorǵau Qauípsízdík Keńesí jūmysynyń tıímdílígín aıqyndaıtyn basty ólshem boluǵa tıís.