Alatau audany sanıtarlyq tazalap, jasyl aumaqtardy kútíp ūstauǵa kóńíl bólíp, qoǵamdyq keńístíktí abattandyryp jatyr, – dep habarlaıdy aqshamnews.kz tílshísí.
Audanda 730 kóshe bar. «Taza Qazaqstan» ekologıyalyq aktsıyasy ayasynda shaǵyn audandardy tazalau, aǵashtardy qyrqu, balalar alańyn syrlau men qoǵamdyq aumaqtardy qalpyna keltíru jūmysy kúsheıtíldí. Óńírlík kommunıkatsıyalar qyzmetínde audan ákímí qalalyq ortany kútíp ūstau boıynsha atqarylyp jatqan jūmys pen alǵa qoıǵan míndet turaly aıtty.
Audannyń sanıtarlyq jaǵdaıyn qamtamasyz etuge 111 arnauly tehnıka men 260 jūmysshy jūmyldyrylǵan. Kúndelíktí tazalyq jūmysyna 730 kóshe, 300 shaqyrym aryq jelísí, 60 shaqyrym ózen arnas men 54 shaqyrym gabıondyq kanaldar qamtylǵan.
Qaldyqtardy jınau júıesín jetíldíru jūmysy da jalǵasty. 2025 jyly eskí úlgídegí 255 konteıner plastıkalyq konteınerlerge auystyrylyp, Ekologıya jáne qorshaǵan ortany qorǵau basqarmasy qosymsha 73 jerasty konteınerín ornatty.
Audan ákímí aumaqty kógaldandyru jūmystary turaly da aıtty. «Alatau audanynda 145 jasyl aumaq bar, onyń íshínde 25 sayabaq pen jayau júrgínshíler aımaǵy, 119 balalar jáne sport alańy jáne bír bulvar ornalasqan. Olardy kútíp ūstaumen 11 kompanıya men 260 jūmysshy aınalysady», – dedí Danıyar Qyryqbaev.
Bıyl 17 myń aǵashty qyrqyp, 38 myń sharshy metr jerge kógal tóseledí.
Jasyl jelektí kútíp ūstau úshín audanda mehanıkalyq jáne avtomatty suaru júıelerí ūıymdastyrylǵan. Mehanıkalyq suaru jalpy aumaǵy 96,3 gektar bolatyn 85 aumaqta júrgízíledí. Būl jūmysqa 29 tehnıka jūmyldyrylǵan. Avtomatty suaru júıelerí jalpy aumaǵy 25 gektar bolatyn 18 aumaqta jūmys ísteıdí.
Bıyl avtomatty suaru júıesín odan árí damytu maqsatynda qosymsha 28,2 shaqyrymdyq jelí tartyla bastady.