Bıyl 90 shaqyrymnan astam jańa joldyń qūrylysy bastaldy, dep habarlaıdy aqshamnews.kz tílshísí.
Alatau audanyndaǵy Shapaǵat, Terektí, Bolashaq pen Rahat-Mádenıet shaǵyn audanynda bıyl ūzyndyǵy 272,4 shaqyrym bolatyn sumen jabdyqtaıtyn jelí men káríz jelísíníń qūrylysy ayaqtalady. Būl jobalardy íske asyru shamamen 34 myń tūrǵyndy ortalyqtandyrylǵan kommunaldyq qyzmettermen qamtamasyz etuge múmkíndík beredí. Injenerlík jáne kólík ınfraqūrylymynyń qazírgí damu barysy turaly Óńírlík kommunıkatsıyalar qyzmetínde ótken brıfıngte Danıyar Qyryqbaev tolyǵyraq bayandady.
«Injenerlík ınfraqūrylymdy aumaqtardyń ósuímen qatar damytu – negízgí míndettíń bírí. Būl jobalardyń ayaqtaluy tūrǵyndardy ortalyqtandyrylǵan sumen jabdyqtap, káríz júıesímen qamtyp, kommunaldyq qyzmettíń qoljetímdílígín arttyruǵa múmkíndík beredí», – deıdí audan ákímí.
Alatau audanynyń 13 pen 14 aumaǵynda da qosymsha jūmys ístelíp jatyr. Mūnda jalpy ūzyndyǵy 33,2 shaqyrym bolatyn ortalyqtandyrylǵan káríz jelísí salynady. Būl jūmysty keler jyly bírínshí toqsanda ayaqtamaqshy.
Sonymen qatar jol jelísí de damyp keledí. Bıyl Boraldaı, Terektí men Rahat-Mádenıet shaǵyn audanynda 78,3 shaqyrym jańa jol salynady. Rysqūlov dańǵylynda taǵy 2,3 shaqyrym, Tílendıev kóshesínde 10,5 shaqyrym jańa jol salynyp jatyr.
Osylaısha, bıyl 90 shaqyrymnan astam jańa joldyń qūrylysy bastaldy.
Jańa qūrylys jūmysynan bólek, jalpy ūzyndyǵy 61,1 shaqyrym bolatyn 95 kóshege ortasha jóndeu júrgízíledí. Qazír 47 shaqyrym jol jóndeldí.
Qosymsha audanda 3 myń sharshy metr trotuar abattandyrylyp, 130 qūdyq qaqpaǵyn ornatyp jatyr.
«Jol jáne ınjenerlík ınfraqūrylymdy damytu – audannyń odan árí keshendí damuynyń negízí. Jańa tūrǵyn úı aumaqtaryn ıgerumen qatar joldar, ınjenerlík jelíler jáne qalalyq ınfraqūrylymnyń basqa da elementterí salynuy qajet», – dep atap óttí Danıyar Qyryqbaev.