Íríkteu ekí kezeńnen tūrady, dep habarlaıdy aqshamnews.kz tílshísí.
Almatyda Jastar keńesíníń jańa qūramyna ótíním qabyldau bastaldy. Keńes qalanyń damuyna úles qosuǵa, ıdeyasy men jobasyn ūsynuǵa daıyn jastardy bíríktíretín alań bolmaq. Joba Almaty qalasy Jastar sayasaty basqarmasy men QazEquality qoǵamdyq qorynyń qatysuymen júzege asyrylady.
Íríkteu ekí kezeńnen tūrady.
Bírínshí kezeńde úmítkerler arnaıy ótínímdí toltyruy qajet:
Ótíním qarau kezínde úmítkerdíń Keńes jūmysyna qatysuǵa degen yntasy, tájírıbesí jáne áleuetí eskeríledí. Bírínshí kezeńníń qorytyndysy boıynsha 50 úmítker íríkteledí. Ótíním 2026 jyly 29 qyrkúıekke deıín qabyldanady.
Ekínshí kezeńde úmítkerler sūhbattan ótedí. Sūhbat barysynda olardan ózí turaly aıtyp qana qoımaı, naqty ıdeya nemese joba ūsynu kútíledí. Úmítker Almaty úshín mańyzdy dep sanaıtyn máselení atap, ony sheshu joldary turaly kózqarasyn ūsynuy qajet. Sūhbat qorytyndysy boıynsha 25 qatysushy Jastar keńesíníń qūramyna enedí.
Ūsynylatyn bastamalar belgílí bír salamen shektelmeıdí. Negízgí baǵyttardyń qatarynda qalalyq orta men ekologıya, bílím beru jáne jastardy damytu, ınklyuzıya men teń múmkíndíkter, tsıfrlandyru jáne ınnovatsıya bar. Eń bastysy, ūsynylǵan ıdeyanyń qala men onyń tūrǵyndaryna qandaı naqty paıda ákeletínín túsíndíre bílu.
Jastar keńesí jas almatylyqtarǵa qalanyń ózektí máselelerín talqylap qana qoımaı, olardy sheshuge baǵyttalǵan naqty ūsynystar men jobalardy ortaǵa saluǵa múmkíndík beretín alań bolmaq.