Memleket basshysy Ázerbaıjan prezıdentímen telefon arqyly sóılestí, - dep habarlaıdy aqshamnews.kz tílshísí.
Qasym-Jomart Toqaev Ilham Álıevtí tuǵan kúnímen qūttyqtap, onyń bauyrlas ázerbaıjan halqynyń ıgílígí jolynda atqaryp jatqan jauapty memlekettík qyzmetíne tabys tíledí.
Qazaqstan Prezıdentí Ázerbaıjannyń egemendígí men memlekettílígín nyǵaıtuda, sondaı-aq tūraqty ekonomıkalyq ósímdí qamtamasyz etíp, elíníń halyqaralyq arenadaǵy bedelín arttyruda Ilham Álıevtíń aıryqsha ról atqaratynyna toqtaldy.
Memleketter basshylary qazaq-ázerbaıjan qatynastary qarqyndy damyp kele jatqanyn atap óttí. Strategıyalyq seríktestík pen odaqtastyq baılanystardy odan árí nyǵaıtu, sauda-ekonomıkalyq jáne mádenı-gumanıtarlyq salalardaǵy yntymaqtastyqty kúsheıtu perspektıvasyn talqylady.
Áńgímelesu barysynda joǵary deńgeıde, sonyń íshínde Ilham Álıevtíń bıyl 20-21 qazan kúnderí Qazaqstanǵa jasaǵan memlekettík sapary barysynda qol jetkízílgen uaǵdalastyqtardy sapaly júzege asyruǵa erekshe nazar audaryldy.
Sonymen qatar, prezıdentter óńírlík jáne halyqaralyq kún tártíbíndegí ózektí máseleler jónínde píkír almasty.