Abaı unıversıtetí elímízdegí áıelder qauymynyń kóshbasshylyq áleuetín arttyruǵa baǵyttalǵan bíregeı bastamany qolǵa aldy.
Unıversıtet qabyrǵasynda 7M04120 «Sayasat jobasy jáne áıelder kóshbasshylyǵy (EMBA)» bílím beru baǵdarlamasy íske qosylmaq. Atalǵan bastama «AMANAT» partıyasynyń qoldauymen júzege asyrylyp otyr, – dep habarlaıdy aqshamnews.kz tílshísí.
Bílím beru baǵdarlamasy memlekettík basqaru, qoǵamdyq sayasat, azamattyq qoǵam ınstıtuttary men úkímettík emes ūıymdar salasynda qyzmet etíp júrgen mamandarǵa arnalǵan. Ony sáttí ayaqtaǵandarǵa memlekettík basqaru jáne qoǵamdyq sayasat salasyndaǵy magıstrlík dáreje beríledí. EMBA (Executive Master of Business Administration) formatyndaǵy būl oqu kursy zamanauı memlekettík menedjmenttíń barlyq talaptaryn eskere otyryp ázírlengen.
«Sayasat jobasy jáne áıelder kóshbasshylyǵy» bílím beru baǵdarlamasynyń mazmūny strategıyalyq menedjment, qoǵamdyq sayasatty jobalau, genderlík sayasat, ınklyuzıvtí damu jáne tsıfrlyq memlekettík basqaru sıyaqty ózektí baǵyttardy qamtıdy. Sonymen qatar, tyńdaushylar kelíssózder júrgízu men medıatsıya daǵdylaryn meńgeríp, naqty keıster negízínde basqarushylyq sheshím qabyldaudy úırenedí. Būl bílím beru modelí teorıyadan górí praktıkalyq nátıjege basymdyq beríp, strategıyalyq jobalardy íske asyruǵa múmkíndík beredí.
Auqymdy bílím beru jobasy «AMANAT» partıyasynyń tíkeleı qoldauymen júzege asyryluy onyń sayası jáne strategıyalyq mańyzyn aıqyndaı túsedí. Partıyanyń būl bastamaǵa seríktes boluy – elímízdegí áıelderdíń qoǵamdyq-sayası ómírge aralasu belsendílígín arttyru men genderlík sayasatty ílgeríletuge baǵyttalǵan naqty qadamy.
Qazírgí tańda áıelderdíń qoǵamdaǵy rólín nyǵaıtuǵa baǵyttalǵan jańa múmkíndíkter qarastyrylyp, íske qosylyp jatyr. Jańa baǵdarlama bílím men kóshbasshylyqty ūshtastyryp, el damuyna úles qosatyn jańa buyn qalyptastyrudy kózdeıdí.