QR ÍÍM Ūlttyq ūlanynda áskerı míndetín abyroımen atqaryp qana qoımaı, boıyndaǵy jańa qabíletterín tanytyp júrgen merzímdí qyzmet sarbazdaryn jıí kezdestíruge bolady. Solardyń bírí — Taraz qalasyndaǵy 5513 áskerı bólímínde qyzmet etetín qatardaǵy Aıdos Qūldybaı, – dep habarlaıdy aqshamnews.kz tílshísí.
Aıdos 2001 jyly Túrkístan oblysy Otyrar audanyna qarasty Sháuíldír auylynda dúnıege kelgen. Mekteptí támamdaǵannan keıín ol Túrkístan qalasyndaǵy Qoja Ahmet Yasauı atyndaǵy Halyqaralyq qazaq-túrík unıversıtetíne túsíp, elektr energetıkasy ınjenerí mamandyǵyn meńgergen. Áskerge shaqyrylǵanǵa deıín tuǵan auylyndaǵy Qajymūqan Mūńaıtpasov atyndaǵy balalar men jasóspírímder sport mektebínde operator bolyp jūmys ístedí.
Sportqa degen qyzyǵushylyǵy mektep kezínen bastalǵan. Ásírese ony street workout dep atalatyn kóshe sporty erekshe qyzyqtyrdy. Turnıkke arnalǵan jattyǵulardyń tehnıkasyn óz betínshe meńgeríp, kúrdelí elementterdí oryndaudy úırendí. Kúsh, eptílík pen tózímdílíktí talap etetín jattyǵular jas jígíttíń mínezín shyńdap, myqty fızıkalyq daıyndyǵyn qalyptastyruǵa kómektestí.
Alaıda ásker qatarynda Aıdos ózín shyǵarmashylyq qyrynan da tanyta bíldí. Búgínde ol áskerı bólímdegí mańyzdy ís-sharalardy túsíríp, ūlandyqtardyń qyzmetí men kúndelíktí ómírí turaly beınerolıkter daıyndaıdy.
— Áskerge deıín mende qyzmet turaly basqa túsíník boldy. Mūnda óte qıyn bolady dep oıladym. Bíraq áskerı bólímge kelgen soń qateleskenímdí túsíndím. Mūnda damuǵa, qabíletteríńdí ashuǵa jáne daǵdylaryńdy jetíldíruge múmkíndík bar. Ásker alǵa ūmtylǵandardy árdaıym qoldaıdy, — deıdí Aıdos.
Qarulastarynyń aıtuynsha, onyń beınerolıkterí áskerı ómírdí jańa qyrynan kórsetuge múmkíndík beredí. Keıbír jūmystary áskerı bólímníń aqparattyq qyzmetínde de paıdalanylyp júr.
Búgínde QR ÍÍM Ūlttyq ūlany qatarynda osyndaı belsendí árí talantty jastar az emes. Olar qoǵamdyq qauípsízdíktí qamtamasyz etu míndetterín oryndaumen qatar, óz qabíletterín damytyp, jańa tájírıbe jınaqtap, bolashaq kásíbı jetístíkteríníń negízín qalap keledí.