2026 jyly 13-23 nauryz aralyǵynda Almatyda Nauryz meıramy qarsańynda «Nauryz Sale» auqymdy merekelík aktsıyasy ótedí.
On kún boıy qala tūrǵyndary men qonaqtary merekelík demalysty tıímdí saudamen jáne mádenı-oıyn-sauyq sharalarymen ūshtastyra alady, – dep habarlaıdy aqshamnews.kz tílshísí.
Būl bastama qazaqstandyq óndírushílerdí qoldauǵa, íshkí saudany damytuǵa jáne Nauryz kúnderí qalada erekshe merekelík atmosfera qalyptastyruǵa baǵyttalǵan respublıkalyq aktsıya ayasynda júzege asyrylady.
«Nauryz Sale» nauqanyna Almatynyń írí sauda-oıyn-sauyq ortalyqtary qatysady. Olardyń qatarynda Forum Almaty, Globus, Mega Park, Aport East, Almaty Mall, Dostyk Plaza, Moskva, Mart jáne Sputnik Mall bar.
Aktsıya kezeńínde sauda ortalyqtarynda tauarlardyń ártúrlí sanattaryna 10-30% kólemínde jeńíldík ūsynylady.
Nauqan ayasynda qazaqstandyq óndírushílerdíń ónímderíne erekshe nazar audarylady. Sauda zaldarynda otandyq brendterdíń tauarlary qoıylatyn arnaıy aımaqtar ūıymdastyrylyp, kelushíler olardy naryqtaǵy baǵadan 10-20% tómen baǵamen satyp ala alady.
Satyp alushylarǵa yńǵaıly boluy úshín aktsıyalyq tauarlar arnaıy navıgatsıyamen jáne «Nauryz» taqyryptyq bezendíruímen belgílenedí. Taqyryptyq baǵa belgílerí, brendtelgen kórsetkíshter men basqa da navıgatsıyalyq elementter jeńíldígí bar tauarlardy ońaı tabuǵa múmkíndík beredí.
Tıímdí saudamen qatar, sauda ortalyqtarynyń qonaqtaryn mazmūndy merekelík baǵdarlamaǵa kuá bolady. Sauda-oıyn-sauyq ortalyqtarynyń alańdarynda:
* taqyryptyq jármeńkeler men festıvalder
* kontsertter men muzykalyq baǵdarlamalar
* ūlttyq naqyshtaǵy fotoaımaqtar
* balalar men eresekterge arnalǵan ınteraktıvtí alańdar men oıyndar ūıymdastyrylady.
Merekelík ís-sharalardyń negízgí bólígí 20-23 nauryz aralyǵynda Almaty qalasyndaǵy sauda ortalyqtarynyń alańdarynda ótedí.
Sonymen qatar sauda ortalyqtarynyń LED ekrandarynda Nauryz merekesíníń dástúrleríne arnalǵan beınerolıkter kórsetíledí.
«Nauryz Sale» aktsıyasy Almatydaǵy kóktemgí mausymnyń jarqyn oqıǵalarynyń bíríne aınalyp, merekelík atmosferany, mádenı baǵdarlamalardy jáne tıímdí sauda múmkíndíkterín bíríktíredí. Ūıymdastyrushylar qala tūrǵyndary men qonaqtaryn sauda ortalyqtaryna kelíp, merekelík ís-sharalarǵa qatysuǵa shaqyrady.