Almatyda kóppáterlí tūrǵyn úılerdíń shatyryn qar men mūzdan uaqytyly tazalau jūmystaryna baqylau kúsheıtíldí.
Qys mezgílínde tūrǵyndardyń qauípsízdígín qamtamasyz etu míndetí kondomınıum nysandaryn basqarushy ūıymdarǵa júktelgen. Būl turaly qalalyq kommunaldyq ınfraqūrylymdy damytu basqarmasy men tūrǵyn úı ınspektsıyasynyń mamandary aıtty, – dep habarlaıdy aqshamnews.kz tílshísí.
Qoldanystaǵy zańnamaǵa jáne ortaq múlíktí kútíp-ūstauǵa jūmsalatyn shyǵyndy esepteu ádístemesíne sáıkes, PIK, MIB jáne basqarushy kompanıyalar tūrǵyn úıler men oǵan írgeles aumaqtyń sanıtarlyq jáne tehnıkalyq jaǵdaıyn tıístí deńgeıde qamtamasyz etuge míndettí. Míndettí jūmystardyń qataryna shatyrlardy, kíreberís mańyndaǵy qalqalardy, su aǵar júıelerín jáne ortaq múlíktíń basqa da qūrylymdaryn qar men mūzdan júıelí túrde tazalau kíredí.
Mūz súńgílerí men shatyrda jınalǵan mūz qabattary júrgínshíler men tūrǵyndar úshín qauíp tóndíredí. Osyǵan baılanysty tazalau jūmystary uaqytyly júrgízílíp, qauíptí aımaqtar míndettí túrde qorshalyp, tūrǵyndarǵa aldyn ala eskertíluge tıís. Barlyq jūmys qauípsízdík tehnıkasynyń talaptaryn saqtaı otyryp oryndaluy qajet.
Mūndaı jūmystardy der kezínde ūıymdastyrmaǵany úshín jauapkershílík basqaru ūıymynyń tóraǵasyna nemese qyzmet kórsetushí ūıymǵa júkteledí. Eger azamattarǵa zıyan kelse, olar qūqyǵyn zańnamada belgílengen tártíppen, sonyń íshínde sot organdaryna júgínu arqyly qorǵauǵa qūqyly, dep atap óttí basqarma ókílderí.