Almaty tūrǵyny saılau kúní toltyrylǵan byulletenníń suretín áleumettík jelíde jarıyalaǵany úshín ákímshílík jauapkershílíkke tartyldy, – dep habarlaıdy aqshamnews.kz tílshísí.
Bas prokuratura mūndaı jazbany úgít-nasıhat júrgízuge qoıylǵan tyıymdy būzu dep baǵalady. Būl turaly Bas prokuror apparatynyń BAQ monıtorıngí jáne qoǵamdyq baılanystar basqarmasynyń bastyǵy Erlan Janpeıísov málímdedí.
Aıtuynsha, áıel toltyrylǵan byulletenníń suretín jarıyalap, dauys beru kúní úgít-nasıhat júrgízuge tyıym salynǵan talapty būzǵan. Oǵan Ákímshílík qūqyqbūzushylyq turaly kodekstíń 102-baby boıynsha aıyp taǵyldy.
«Almaty tūrǵyny Qazaqstan Respublıkasynyń Ákímshílík qūqyqbūzushylyq turaly kodeksíníń 102-baby boıynsha jauapkershílíkke tartyldy. Ol óz kínásín moıyndap, jazbasyn óshírdí. Osyǵan baılanysty bíz azamattardy zań talaptaryn qatań saqtauǵa taǵy shaqyramyz», – dedí Erlan Janpeıísov.