«Halyq úní» baıqaushylary almatylyqtardyń saılauǵa qatysudaǵy joǵary belsendílígíníń sebepterín túsíndírdí, dep habarlaıdy aqshamnews.kz tílshísí.
Almatyda «Halyq úní» táuelsíz baıqaushylar toby Qūryltaı saılauy kúní júrgízílgen qoǵamdyq baqylaudyń qorytyndysyn shyǵardy. Baıqaushylar saılau uchaskelerínde óreskel zań būzushylyqtar tírkelmegenín málímdep, Almatydaǵy saılauǵa qatysudyń joǵary kórsetkíshín azamattyq belsendílík pen qoǵamdyq sananyń artuymen baılanystyrdy.
Baspasóz konferentsıyasyna qoǵam qaıratkerlerí men baıqaushylar – Dos Kóshím, Ermūrat Bápı, Beknūr Qısyqov, Nūrgeldí Ábdíǵanıūly jáne Nūrbolat Nyshanbaı qatysty.
Spıkerlerdíń aıtuynsha, «Halyq úní» baıqaushylary Qazaqstannyń 11 qalasyndaǵy saılau uchaskelerínde dauys beru barysyna monıtorıng júrgízgen. Olar baqylaudyń mūndaı auqymy elímízdíń ár óńíríndegí saılau barysyn jan-jaqty árí obektıvtí baǵalauǵa múmkíndík bergenín atap óttí.
Qozǵalystyń negízgí shtaby Almaty qalasynda ornalasty. Sonymen qatar «Halyq úní» jaqtastary men baıqaushylar jelísí elímízdíń bírqatar óńírín qamtydy. Baqylau Astana, Almaty, Shymkent, Túrkístan, Qyzylorda, Aqtóbe, Oral, Semeı, Taraz, Qonaev jáne Taldyqorǵan qalalarynda júrgízíldí.
Baıqau mıssıyasyna daıyndyq aldyn ala bastalǵan. 11 qalada myńnan astam azamat elektoraldyq baqylau ádísterí boıynsha arnaıy dayarlyqtan óttí.
Dauys beru kúní «Halyq úní» baıqaushylary tańerteńnen bastap barlyq saılau rásímderí tolyq ayaqtalǵanǵa deıín uchaskelerde jūmys ístedí. Negízgí maqsat – saılau barysyna barynsha sapaly árí jan-jaqty qoǵamdyq baqylau júrgízu boldy.
Qozǵalys ókílderíníń baǵalauynsha, saılau uchaskeleríndegí negízgí dauys beru rásímderí qoldanystaǵy zańnama talaptaryna tolyq sáıkes júrgízílgen. Baıqaushylar saılaushylardyń joǵary belsendílígín de atady. «Halyq úní» ókílderíníń aıtuynsha, saılau protsesí ashyq árí ádíl óttí.
Qoǵam belsendíleríníń aıtuynsha, saılau barysynda jekelegen eskertuler bolǵanymen, olar negízínen rásímdík sıpatta boldy. Máselen, keıbír saılaushylar dauys beru kabınasyna ekí adam bolyp kíruge árekettengen nemese jeke basyn kuálandyratyn qūjatsyz kelgen. Alaıda baıqaushylardyń aıtuynsha, saılau komıssıyalarynyń múshelerí azamattarǵa belgílengen talaptardy jedel túsíndíríp, tuyndaǵan máselelerdí sheshuge kómektesken.
Baqylau barysynda anyqtalǵan jekelegen ūsaq zań būzushylyqtar boıynsha tıístí aktíler men hattamalar toltyryldy. Qazírgí uaqytta óńírlerden kelíp túsken aqparatty jınaqtau, júıeleu jáne qosymsha tekseru jūmystary jalǵasyp jatyr. Aldaǵy uaqytta barlyq materıaldar qorytyndylanyp, saraptamalyq taldau jasalady.
Sonymen qatar qozǵalys múshesí, jurnalıst Ermūrat Bapı Almaty tūrǵyndarynyń saılauǵa mūndaı joǵary deńgeıde qatysuy Qazaqstanda jıí kezdese bermeıtínín atap óttí. Onyń aıtuynsha, joǵary saılaushylar belsendílígí azamattardyń sayası protsesterge degen kózqarasynyń ózgergenín jáne el bolashaǵyn qalyptastyruǵa degen qyzyǵushylyǵynyń artqanyn kórsetuí múmkín.
Jalpy, «Halyq úní» baıqaushylary ótken saılaudy azamattardyń óz saılau qūqyǵyn júzege asyruǵa aıryqsha qyzyǵushylyq tanytqan sayası úderís retínde baǵalady. Qoǵamdyq baqylaudy qamtamasyz etu múmkíndígí men óreskel zań būzushylyqtardyń tírkelmeuín olar óz jūmystarynyń negízgí qorytyndysy dep atady.