Dauys beru kúní Mıssıya ókílderí Qazaqstannyń 14 óńíríndegí 900-den astam saılau uchaskesínde bolǵan, dep habarlaıdy aqshamnews.kz tílshísí.
TMD baıqaushylar mıssıyasy Qazaqstanda ótken Qūryltaı deputattarynyń saılauyna qorytyndy baǵasyn berdí. Baıqau nátıjesí boıynsha TMD mıssıyasy dauys beru nátıjesíne áser etuí yqtımal zań būzushylyqtardy anyqtalmaǵany belgílí boldy. Halyqaralyq baıqaushylar saılaudy ádíl, básekege toly árí ashyq óttí dep baǵalady.
Dauys beru kúní Mıssıya ókílderí Qazaqstannyń 14 óńíríndegí 900-den astam saılau uchaskesínde bolǵan. Mıssıya basshysy, TMD Bas hatshysynyń bírínshí orynbasary Igor Petrıshenkonyń aıtuynsha, dauys beru ūıymdasqan túrde, tynysh árí qolaıly jaǵdaıda óttí, al dauystardy sanau rásímí saılau zańnamasynyń talaptaryna sáıkes júrgízíldí.
«Saılau nátıjeleríne áser etuí múmkín zań būzushylyqtar anyqtalǵan joq», – dedí Igor Petrıshenko.
Onyń aıtuynsha, saılaudy ázírleu jáne ótkízu kezeńínde saılau zańnamasynyń yqtımal būzushylyqtaryna jedel den qoyu jáne qabyldanyp jatqan sharalar turaly azamattardy habardar etu úshín qajettí jaǵdaılar jasalǵan. Baqylaushylara kelíp túsken shaǵymdar men ótíníshterdíń zańda belgílengen tártíppen qaralǵanyn da aıtty.
Mıssıya basshysy saılau protsesíníń qūqyqtyq negízderíne de jeke toqtaldy. TMD baıqaushylarynyń baǵalauyna sáıkes, Qazaqstannyń qoldanystaǵy saılau zańnamasy saılaudy erkín árí demokratıyalyq jaǵdaıda ótkízuge jetkílíktí múmkíndík beredí.
TMD mıssıyasy saılau nauqanyn baıqauǵa 3 tamyzda kírístí. Osy uaqyt aralyǵynda onyń ókílderí saılau komıssıyalarynyń múshelerímen jáne saılaushylarmen kezdesíp, dauys beruge daıyndyq barysyn, dauys beru protsesín jáne odan keıíngí dauystardy sanau rásímín baqylap otyrdy.
Jalpy baıqau jūmysynyń qorytyndysy boıynsha Mıssıya saılauǵa túpkílíktí baǵasyn berdí.
«TMD baıqaushylar mıssıyasy 2026 jylǵy 23 tamyzda ótken Qazaqstan Respublıkasy Qūryltaıy deputattarynyń saılauy joǵary ūıymdastyrushylyq deńgeıde, eldíń saılau zańnamasyna tolyq sáıkes ótkízíldí. Ádíl, básekege toly árí ashyq sıpatta boldy jáne Qazaqstan Respublıkasy azamattarynyń óz erkín ashyq túrde bíldíru qūqyǵyn júzege asyruyna múmkíndík berdí degen qorytyndyǵa keldí», – dedí Igor Petrıshenko.
Osy uaqytta Qazaqstannyń Ortalyq saılau komıssıyasy dauys berudíń aldyn ala nátıjelerín jarıyalady.
OSK-nyń aldyn ala derekteríne sáıkes, «Ádílet» partıyasy 71,17% dauys jınady. «Auyl» partıyasyna saılaushylardyń 6,26%-y, Respublica partıyasyna – 5,56%-y, Qazaqstannyń «Aq jol» demokratıyalyq partıyasyna – 5,21%-y, JSDP-ǵa – 5,11%-y dauys bergen. QHP 3,11%, Qazaqstannyń «Baıtaq» jasyldar partıyasy 1,07% dauys jınady. Dauys beruge qatysqandardyń 2,51%-y «Báríne qarsymyn» nūsqasyn tańdady.
Saılaudyń aldyn ala qorytyndysy boıynsha Qūryltaıda bes sayası kúsh – «Ádílet», «Auyl», Respublica, «Aq jol» jáne JSDP ókíldík etu qūqyǵyna ıe boldy.