Óńírlík kommunıkatsıyalar qyzmetínde Qazaqstan Respublıkasy ÍÍM Maqan Esbolatov atyndaǵy Almaty akademıyasyna túsudíń erejesín túsíndírgen brıfıng bolyp óttí, – dep habarlaıdy aqshamnews.kz tílshísí.
Onda Akademıya ókílderí talapkerge qoıylar talapty, bílím beru baǵdarlamalary men oqudyń artyqshylyǵy turaly bayandap berdí.
Bıyl akademıyanyń qūqyq qorǵau salasyna maman dayarlaı bastaǵanyna 70 jyl tolypty. Aǵa oqytushy Jūldyz Arystanǵalıevanyń aıtuynsha, oqu orny krımınaldyq jáne ákímshílík polıtsıya, kıberpolıtsıya jáne IT baǵyty boıynsha maman dayarlaıdy.
«Bízdíń akademıyaǵa túserde jaı ǵana oqu ornyn tańdap qana qoımaı, zańǵa, qoǵam men memleketke qyzmet etuge sanaly qadam jasaısyz. Kursanttar alǵashqy kúnnen bastap teorıyalyq bílímmen bírge, bolashaq qyzmetke qajettí tájírıbelík daǵdyny da meńgeríp shyǵady», – dedí Jūldyz Arystanǵalıeva.
Kursanttarǵa tegín jataqhana men tamaq berílíp, kıím-keshekpen qamtamasyz etílíp, aı saıyn shákírtaqy alyp otyrady. Oqu merzímí eńbek ótílíne qosylyp eseptelíp, ol merzímdí áskerı qyzmetpen teńestíríledí.
Onyń aıtuynsha, akademıyany bítírgen túlekterge polıtsıya leıtenanty shení beríledí, úzdík ayaqtaǵandary joǵary shen aluy da ábden múmkín eken.
Qūqyq qorǵau qyzmetín basqaru kafedrasynyń oqytushysy Gúlzar Qadírberlına qazír akademıyada alty negízgí baǵyt boıynsha dayarlyq júrgízetínín aıtty. Arasynda kıberqylmys pen IT-krımınalıstıka da bar.
«Būl uaqyt talabyna tolyq jauap beretín mamandyqtar. Qazírgí tsıfrlanyp jatqan zamanda, kıberqylmysqa qarsy kúres pen IT salasy ózektí», – deıdí.
Kursanttar mūnda teorıyamen qatar tájírıbelík daıyndyqtan ótíp, kásíbı ofıtser bolyp qalyptasady.
«Barlyq túlek 100 paıyz jūmysqa ornalasady. Oqu eńbek ótílíne kíredí, úzdík bítírgen jaǵdaıda joǵary shen aluǵa múmkíndígí bar», – deıdí spıker.
Akademıyaǵa túsu úshín ŪBT-dan kemí 50 ball jınauy kerek, ár pán boıynsha belgílengen shektík ball saqtaluy tıís. Qūjat qabyldau bastaldy, oǵan tūrǵylyqty jerdegí polıtsıya bólímí arqyly, ne onlaın ótínísh bere alady.
Talapkerler mamyrǵa deıín tūrǵylyqty jerí boıynsha polıtsıya bólímíne júgínuí nemese akademıyanyń resmı saıty Almaty akademıyasynyń resmı saıty https://alpolac.edu.kz/ arqyly tíkeleı síltememen qūjat tapsyrady. Qabyldauǵa qajettí ŪBT mamyr men shílde aıy aralyǵynda ótedí.
Oquǵa túser kezde talapkerler ekí beıíndík pándí óz qalauy boıynsha tańdaı alady (shyǵarmashylyq emtıhannan basqa). Baıqauǵa qatysu úshín kemínde 50 ball jınauy qajet, ár pánnen kemínde 5 ball, al «Oqu sauattylyǵy» men «Matematıkalyq sauattylyqtan» kemí 3 ball boluy tıís.
Jekelegen sanattaǵy talapker, ŪBT-dan joǵary ball jınaǵandar, «Altyn belgí» ıegerí men sporttyq ataǵy barlar baıqausyz qabyldanuy múmkín.