Almatyda jastardy shyǵarmashylyq, sport jáne ūlttyq dástúr negízínde jan-jaqty damytuǵa baǵyttalǵan qalalyq bastamalar serıyasy bastalady, – dep habarlaıdy aqshamnews.kz tílshísí.
Baǵdarlama ayasynda studentter men NEET sanatyndaǵy jastardy qosqanda ondaǵan myń jasty qamtıtyn jobalar josparlanǵan. Būl turaly Óńírlík kommunıkatsıyalar qyzmetínde ótken baspasóz máslıhatynda qalalyq jastar sayasaty basqarmasynyń basshysy Azız Kajdenbek málímdedí.
Jobalar shyǵarmashylyqty damytu, būqaralyq jáne ūlttyq sport túrlerín nasıhattau, sondaı-aq mádenı jáne ruhanı qūndylyqtardy nyǵaıtu syndy úsh negízgí baǵyt boıynsha júzege asyrylady.
«Almaty qalasynyń jastar sayasaty basqarmasy jastardy qoldau baǵytynda júıelí jūmys júrgízíp keledí. Bíz olardyń jan-jaqty damuyna jaǵdaı jasap, qoǵamdyq ómírge belsendí aralasuyna yqpal etemíz. Zıyatkerlík, shyǵarmashylyq, ruhanı jáne sporttyq áleuetín ashuǵa erekshe kóńíl bólínedí. Būl míndetter bíz úshín basym baǵyt bolyp qala beredí», — dedí Azız Kajdenbek.
Bastamalardy íske asyru nátıjesínde jastardyń qoǵamdyq belsendílígí artyp, olardyń damuyn qoldaudyń ornyqty júıesí qalyptaspaq.
Búgínde Almatyda 14 pen 35 jas aralyǵyndaǵy 712,3 myń jas tūrady. Būl qala halqynyń 32 paıyzy. Onyń íshínde 455,6 myńy — jūmys ísteıtín jastar, al 307,8 myńy — joǵary oqu oryndary men kolledj studentterí.