Almatydaǵy №36 qalalyq emhanaǵa Ortalyq Azıyanyń tórt elí — Ózbekstan, Tájíkstan, Qyrǵyzstan jáne Túríkmenstan ókílderínen qūralǵan YuNISEF delegatsıyasy arnaıy keldí, – dep habarlaıdy aqshamnews.kz tílshísí.
Atalǵan emhana qalanyń qarqyndy damyp kele jatqan audandarynyń bírí Nauryzbaı audany tūrǵyndaryna qyzmet kórsetedí.
Saparǵa Qazaqstan Respublıkasy Densaulyq saqtau mınıstrlígíníń Ana men bala densaulyǵyn saqtau departamentíníń ókílí Maǵrıpa Embergenova, sondaı-aq Almaty qalasy Qoǵamdyq densaulyq saqtau basqarmasynyń ana men bala densaulyǵyn saqtau bólímíníń basshysy Jadyra Ahmetova qatysty.
№36 qalalyq emhananyń dırektory Gúljaınat Tílegen qonaqtarǵa medıtsınalyq ūıymnyń qyzmetín tanystyryp, patronajdyń ámbebap-progressıvtí modelín engízu barysy jónínde bayandady. Delegatsıya múshelerí patronajdyq medbıkelerdíń tájírıbelík jūmysymen tanysyp, tsıfrlyq sheshímderdíń qoldanyluyn baǵalap, medıtsınalyq derekterdí jınau men júrgízu júıesíníń ūıymdastyryluyn kórdí.
Sondaı-aq, mamandardy jabdyqtauǵa erekshe kóńíl bólíndí: medıtsınalyq sómkeler, dıagnostıkalyq qūrylǵylar jáne patsıentterdíń úıíne baru kezínde paıdalanylatyn qūraldar tanystyryldy.
Patronajdyń ámbebap-progressıvtí modelí táuekel deńgeıín eskere otyryp, júktí áıelderge, jańa tuǵan nárestelerge jáne jas balalarǵa júıelí baqylau júrgízudí qamtamasyz etedí. Būl tásíl auytqulardy der kezínde anyqtauǵa, aldyn alu sharalaryn júzege asyruǵa, ata-analardy bala kútímí daǵdysyna úıretuge jáne medıtsınalyq kómektíń qoljetímdílígín arttyruǵa múmkíndík beredí.
Mamandardyń aıtuynsha, būl model elímízdíń barlyq emhanasynda, sonyń íshínde №36 qalalyq emhanada da engízílgen jáne alǵashqy medıtsınalyq-sanıtarlyq kómek kórsetudíń, ásírese ana men bala densaulyǵyn saqtau salasynda, míndettí standarttarynyń bírí bolyp tabylady.
Mūndaı saparlar halyqaralyq tájírıbení eskere otyryp, Qazaqstandaǵy medıtsınalyq-sanıtarlyq alǵashqy kómek júıesín odan árí damytuǵa jáne jetíldíruge yqpal etedí dep kútílude.